WWW.SA.I-PDF.INFO
FREE ELECTRONIC LIBRARY - Abstracts, books, theses
 
<< HOME
CONTACTS



Pages:     | 1 |   ...   | 6 | 7 || 9 | 10 |   ...   | 16 |

«Damian Grenfell, Mayra Walsh, Januario Soares, Sofie Anselmie, Annie Sloman, Victoria Stead no Anna Trembath ...»

-- [ Page 8 ] --

Hatutan ba ne’e, distribuisaun rekursu nian la justu entre komunidade rurál no urbana fó fatin ba imigrasaun urbana ne’ebé aas. Ida-ne’e, sei husik, dezenvolvimentu ne’ebé foka liu ba sentru, no lori kreximentu populasaun ne’ebé inkontrolavel iha área urbana. Dezenvolvimentu ne’ebé favorese ba área urbana aprezenta problema barak ba prosesu harii estadu–nasaun. Uluk liu, haluan disparidade entre sosiedade iha rai-laran, ne’ebé bele sai ameasa ba seguransa interna hanesan demonstradu iha Abril no Maiu 2006. Daruak, sentidu unidade nasionál bele lakon bainhira laiha ona interese komún husi nia emar sira, ka bainhira interese komún kompete ho nesesidade sobrevivénsia individuál. Ikusliu, distribuisaun rekursu nian ne’ebé dezequilibradu rasik hanesan enfrakese nosaun governu ne’ebé di’ak tanba iha potensiál atu hakiak korrupsaun entre instituisaun governmentál sira.

Ha’u karak remata hodi enfatiza nesesidade ba balansu iha dezenvolvimentu no distribuisaun rekursu ne’ebé justu se hakarak sees husi konflitu iha futuru. Timoroan lakon buat hotu durante tempu akupasaun, no iha 1999 partikularmente, inklui rikusoin. Importante atu labele husik povu kiak sira lakon sensu orgullu. Iha ona kreximentu sentimentu entre sira ne’ebé lakon sira-nia estatutu, no sensu injustisa ida-ne’e kauza prinsipál ba konflitu sosiál. Maski kiak sira laiha kapasidade atu lidera tumultu ka konflitu, ema bele manipula sira fasilmente no uza sira atu alkansa objetivu partikulár. Permite kontinuasaun kiak ba ema barak no foin-sa’e lahó servisu iha Timor Leste husik perigu ba estabilidade iha rai-laran ba futuru.

40 International Crisis Group, Resolving Timor-Leste’s Crisis, Asia Report No. 120, October 2006.

41 B. Moxham, State-making and the post-conflict city: integration in Dili, disintegration in Timor Leste; Tim Anderson, ‘Achievements of a “Failed State”’, New Matilda, 14 June 2006.

42 Damien Kingsbury, ‘Political development’, in Damien Kingsbury and Michael Leach, eds, East Timor: Beyond Independence, Melbourne, Monash University Press, 2007, pp. 19-26.

43 Josh Trindade, ‘An Ideal State for East Timor: Reconciling the Conflicting Paradigms’, paper delivered at Democratic Governance in Timor-Leste: Reconciling the National and the Local Conference, Charles Darwin University, Darwin 7-8 February 2008.

44 International Crisis Group, Resolving Timor-Leste’s Crisis.

Dezenvolvimentu iha Timor-Leste Leopoldina Joana Guterres, Baguia, Baukau Iha artigu ne’e sei ko’alia kona-ba definisaun ba dezenvolvimentu, tipu dezenvolvimentu, diferensa entre dezenvolvimentu iha área urbanu no área rurál sira, problema no difikuldade sira ne’ebé hetan iha área rurál sira ho nia solusaun no konkluzaun. Liafuan dezenvolvimentu ne’e rasik dehan katak halo buat ne’ebé laiha atu iha, no muda ou halakon buat ne’ebé aat atu hamosu fali buat di’ak no foun. Em jerál dezenvolvimentu iha oin rua. Primeiru mak dezenvolvimentu fíziku no segundu mak dezenvolvimentu mentál/ Leopoldina Joana Guterres espirituál. Normalmente ita ko’alia dezenvolvimentu, ne’e foka liu ba dezenvolvimentu fíziku hanesan harii uma, eskola, sentru saúde, saneamentu, estrada, ponte no seluk tan; maibé dala barak ita haluha halo dezenvolvimentu iha parte mentál hanesan la fó edukasaun ba ita-nia ema sira, oinsá ita respeita ita-nia sasán, rikusoin/rekursu naturál sira seluk no rekursus umanus.

Porezemplu ita harii tanke ba bee no liga bee ba fatin ruma ne’ebé refere. Maibé tan de’it ita la fó edukasaun ba ita-nia ema, torneira sira bele sobu fali no lori lakon. Dalaruma mós sira estraga hodi hakotu no halo kuak. Bele mós ita harii tiha merkadu maibé ita la fó edukasaun ba ita-nia ema kona ba merkadu ninia funsaun, entaun ema balun bele uza fali hanesan bibi no fahi nia luhan. Dalaruma mós ema iha kapasidade ou iha espesialidade, maibé tan de’it iha partidu ne’ebé diferente entaun la tau ema ne’e iha pozisaun ne’ebé loos ba knaar ou serbisu ida. Ne’e signifika katak ita la tau matan ba ita-nia rekursus umanus ne’ebé iha ona no la dezenvolve rekursu sira ne’ebé ema ne’e iha. Dala barak ita haluha mós atu fó edukasaun kulturál ba ita-nia ema atu proteje ita-nia kultura.

 Iha mós diferensa boot entre dezenvolvimentu iha área urbanu no área rurál sira. Diferensa sira ne’ebé mosu mak hanesan tuirmai.

Iha área urbanu iha asesu ba rede komunikasaun no informasaun, maibé iha área rurál sira lae. Ita tenke la’o oras 2 ka 3 hodi bele hetan rede komunikasaun no informasaun. Área urbanu iha estrada, ponte no transporte ne’ebé di’ak maibé área rurá sira laiha. Área urbanu iha asesu ba bee moos no eletrisidade maibé ba área rurál sira sei uza kamiin no mina-rai hodi halo lampu lakan iha kalan. Tenke mós ba kuru bee, lori oras 2 ka 3 hodi uza bee iha uma, maski iha tempu udan bee estraga de’it. Iha área rurál sira mós laiha merkadoria ne’ebé bele fó distribuisaun ba produsaun lokál ne’ebé povu hetan. Iha área rurál sira laiha asisténsia saúde iha tempu emerjénsia. Dala barak ema moras todan lori ba ospitál bele mate iha dalan antes to’o ba ospitál ou sentru saúde. Señora sira ne’ebé atu tuur-ahi la’o ba ospitál dala barak bebé moris de’it iha dalan tanba distánsia ne’ebé dook tebetebes entre hela-fatin ho ospitál. Iha tempu emerjénsia parteira tradisionál fó tulun mós ba pasiente maibé sira laiha instrumentu médiku sira ne’ebé modernu.





Iha área rurál sira laiha uma-eskola ne’ebé ho kondisaun di’ak no laiha karteira, meza no banku sira.

Área urbanu iha asesu ba serbisu no iha oportunidade atu dezenvolve an ba parte edukasaun no ekonomia, maibé iha área rurál sira moris de’it ho agrikultura ne’ebé subsisténsia mak domina nafatin, nune’e laiha nutrisaun di’ak ba saúde.  Maski povu iha área rurál sira hetan difikuldade oin-oin no boot tebetebes maibé povu sira–ne’e mós haka’as an hodi halo kontribuisaun ba dezenvolvimentu iha ita-nia nasaun RDTL ida-ne’e. Iha buat balun ne’ebé bele haforsa sira hodi halo dezenvolvimentu iha área rurál sira. Iha ema ne’ebé nu’udar xave iha komunidade hodi fó motivasaun ba ninia ema sira atubele komprende kona-ba dezenvolvimentu. Se laiha motivasaun mak dezenvolvimentu sei la la’o. Iha doadór ou benfeitór sira ne’ebé bele fó tulun ba sira, harii no halo reabilitasaun ba uma-eskola balun, halo saneamentu no hala’o treinamentu hasa’e kapasidade. Povu hotu sei halo sakrifísiu atu rona malu, respeita malu, komprende malu, transparénsia ba malu, fiar malu no iha hanoin ne’ebé matenek hodi organiza no serbisu hamutuk hodi hala’o dezenvolvimentu. Porezemplu, sakrifísiu la’o-ain de’it hodi tun foho, sa’e foho iha udan, anin no loron manas, hakur mota atubele komunika malu atu halo planu no programa ba dezenvolvimentu. La’ós tuur hodi dere arame ou bolu malu liuhusi telefone de’it. Sakrifísiu boot hodi tutuur de’it, leba de’it, hiit no hulan sasán konstrusaun nian hanesan rai-henek, sementi, besi, ai no seluk tan hodi lori ba foho leten ou iha fatin ne’ebé laiha asesu ba estrada hodi harii uma-eskola, saneamentu ba bee moos no seluk tan. Se karik komunidade la halo sakrifísiu sira–ne’e, sira sei hela nafatin iha fatin ne’ebé izoladu tebetebes. Iha mós ezemplu seluk kona-ba transparénsia ba malu. Bainhira iha projetu ruma ne’ebé aprova karik, keta hahú halo planu oinsá osan ne’e tama lailais iha bolsu; maibé tuur hamutuk ho grupu ou komunidade hodi hahú ko’alia programa atu realiza projetu ne’e no ko’alia mós kona-ba kualidade husi projetu ne’e.  Husi terus oin-oin ne’ebé povu iha área rurál sira hasoru mak husu ba governu Timor-Leste atu tau matan ba dezenvolvimentu iha área rurál sira hanesan hadi’a estrada no ponte husi distritu ba sub-distritu no loke estrada husi sub-distritu ba to’o suku no aldeia sira. Halo distribuisaun ba asesu eletrisidade no rede komunikasaun iha área rurál sira. Halo saneamentu ba bee moos ba área rurál sira tanba povu terus liu ba bee iha tempu bailoro. Harii merkadu ba komunidade iha área rurál sira no mós uma-eskola ba alunus sira. Bainhira ami hetan ona asesu ba estrada ne’ebé di’ak, rede komunikasaun, eletrisidade, saneamentu ba bee moos, asisténsia saúde ne’ebé di’ak no kondisaun uma-eskola ne’ebé sufisiente no governasaun ne’ebé di’ak hafoin mak ami bele sente katak ita independénsia ona. Maibé oras ne’e ami povu iha área rurál sira seidauk sente katak ita independénsia tiha ona. Maski independénsia ne’e la’o tiha ona iha tinan 10 nia laran. Razaun ne’ebé iha mak ami povu nia moris iha tempu kolonializmu Portugés, tempu invazaun Indonézia ou integrasaun ne’e hanesan de’it. Laiha diferensa. Ami nafatin sunu kamiin ho mina-rai husi uluk to’o agora. Ami-nia produsaun lokál nafatin tutuur no hulan de’it, nune’e la hetan distribuisaun tanba laiha estrada no transporte. Ami laiha informasaun no komunikasaun hanesan iha área urbanu.   Ami povu iha área rurál sira halo ona kontribuisaun barak no boot ba ita-nia nasaun maibé nasaun rasik seidauk hanoin hetan ninia povu iha área rurál sira. Ho hanoin hirak ne’ebé hakerek ona iha artigu ne’e ami hein katak iha tempu badak governu bele tau matan ba ami povu iha área rurál sira tuir ami povu nia halerik no husu.  Nasion Unidas nia Prinsípius no Suku nia Tradisaun sira: Kamosuk no Realidade David Hicks45 Iha artigu ida ne’ebé publika iha Anthropology Today tinan rua liubá ha’u halo komentáriu kona-ba perigu ba Timor-Leste tanba ligasaun fraku entre Dili no distritu sira ho relasaun ba prinsípiu sira ne’ebé define sira-nia ideolojia jurídika no polítika no instituisaun sira.46 Iha surat badak ida-ne’e ha’u sei haree tuir konkluzaun sirane’e hodi propoin diresaun peskiza nian ne’ebé sei fó ba governu Timor-Leste no mós ajénsia internasionál sira ne’ebé oras daudaun David Hicks hala’o servisu iha rai-laran informasaun seguru no barak kona-ba asuntu ida-ne’e. Ne’e, hosi sorin ida, sei fó baze ida metin liu ba desizaun polítika sira ne’ebé governu Timor-Leste hakarak foti karik kona-ba prinsípiu ‘modernizadór’ sira ne’ebé Nasoins Unidas promove, no hosi sorin seluk, ba suku nia prinsípiu tradisionál sira.

Katak kestaun ne’e iha bele haree hosi estudu informativu balu ne’ebé hatudu katak iha dezasjustamentu boot entre prinsípiu sira hosi rain li’ur ne’ebé ajénsia internasionál sira promove, liuliu Nasoins Unidas, no Timor nia prinsípiu tradisionál sira.47 Separasaun entre prinsípiu lubuk rua oin-ketak sira-ne’e evidente liu iha Nasoins Unidas nia tentativa atu hatama prinsípiu polítiku no jurídiku balu iha komunidade lokál sira-nia laran, mézmuke prinsípiu sira-ne’e kontráriu ba hadat lokál. Justifikasaun ba hahalok ne’e, klaru, mak atu satisfás malae balu sira-nia hakarak atu impoin ka hamonu buat ne’ebé sira haree hanesan buat di’ak ida ba komunidade lokál sira—no oras daudaun buat populár liu mak jéneru no igualdade idade nian. Nune’e, iha domíniu polítiku, biar tradisaun hadat ne’ebé hatete katak katuas sira de’it mak bele tuur iha konsellu suku, ideolojia internasionál inventa fatin tolu ne’ebé rezerva ba feto sira no mane no feto foin-sa’e sira.

Parese katak prinsípiu sira-ne’e hosi rain li’ur mak manán, maibé, hanesan estudu sira refere iha leten hamutuk ho ha’u-nia peskiza rasik sujere, pelumenus iha suku balu podér polítiku no autoridade jurídika sei la’o nafatin tuir dalan tradisionál. Iha-ne’e, aseitasaun lokál ba sistema Nasoins Unidas nian iha liu aparénsia duké realidade.

45 David Hicks, Profesór Antropolojia nian iha Stony Brook University, New York, no membru ba Clare Hall iha University of Cambridge. Bele kontakta nia iha david.hicks@stonybrook.edu 46 David Hicks, ‘Community and Nation-State in East Timor’, Anthropology Today, vol. 23, no. 1, 2004, pp. 13-16.

47 Tanja Hohe, ‘Justice without Judiciary in East Timor’, Conflict, Security and Development, vol. 3, no. 3, 2003, pp. 335-357; Tanja Hohe and Rod Nixon, ‘Reconciling Justice: “Traditional Law” and State Judiciary in East Timor’, relatóriu ne’ebé prepara ba United States Institute of Peace, Janeiru 2003; Sofi Ospina no Tanja Hohe, Traditional Power Structures and Local Governance in East Timor: a case study of the Community ‘Empowerment Project’, Études Courtes 5, Geneva, Graduate Institute of Development Studies, 2002.

Nune’e karik, diresaun óbvia ida ba peskiza mak atu kompara suku sira atu haree to’o ne’ebé mak sira asimila konseitu foun sira-ne’e no atu determina tanbasá iha diferensa- se iha diferensa ruma karik.

Iha-ne’e, ha’u hakarak sujere fatór neen ne’ebé mak envolve karik.

1. Komunikasaun: katak suku nia babesik ba Dili. Ema ida bele sujere katak bainhira suku ida besik liu ba Nasoins Unidas nia fatin, maka’as liután Nasoins Unidas nia influénsia ba suku.

2. Afiliasaun ba Partidu Polítiku: Se suku ida ne’ebé hali’is liu ba polítika governu atuál nian ka ba partidu opozisaun bele mós ajuda determina simu prinsípiu foun sira, ho administradór distritu ka subdistritu ne’ebé hili atu promove ou hanetik governu atuál (Nasoins Unidas) nia ajenda.

3. PNTL no F-FDTL: Polísia Nasionál Timor-Leste (PNTL), ninia inspirasaun ne’ebé mai hosi UNTAET no ne’ebé sai nu’udar instrumentu governu nian, hanesan instituisaun ida maizumenus foun. Iha jerál, durante tinan hirak nia harii nia simu respeitu menus liu iha suku sira-nia laran bainhira kompara ho Falintil-Forsa Defesa Timor-Leste (F-FDTL) ne’ebé dezenvolve an iha komunidade lokál sira-nia leet durante okupasaun Indonézia hodi nune’e ema konsidera hanesan instituisaun lokál ida. Komunidade sira iha ne’ebé F-FDTL nia prezensa maka’as liu hali’is liu ba simu prinsípiu polítiku no jurídiku no instituisaun sira hosi governu no Nasoens Unidas duké komunidade sira ne’ebé PNTL nia prezensa mak maka’as liu.

4. Istória: Seidauk iha análize komparativa ida kona-ba impaktu ne’ebé administrasaun Portugeza no Indonézia hamonu ba suku sira, no ita ladún hatene kona-ba razaun tansá mak komunidade lokál balu asimila ka simu nosaun foun lais liu duké suku sira seluk. Maibé posivel katak komunidade lokál sira-nia atitude ne’ebé dezenvolve durante períodu koloniál rua mak forma inklinasaun atuál atu asimila ka rejeita prinsípiu osidentál no instituisaun sira ne’ebé oras daudaun lori tama iha sukus sira-nia laran.

5. Papél Igreja Katólika nian: iha komunidade lokál barak Igreja hetan respeitu liu duké instituisaun sira seluk hosi suku nia li’ur.

Papél xefe-suku no liurai nian: iha Timor-Leste laran tomak, figura sira-ne’e sei mantein influénsia boot iha nivel lokál.48 Ne’e interesante tebes hanesan índise ida kona-ba akulturasaun, tanba ita bele supoin katak suku ida ne’ebé hili xefe-suku mane hosi família tradisionál liurai kala sei hali’is liu ba hadat no haree ba hadat atu hamonu justisa duké alternativa seluk hosi rain li’ur. Kontráriu mós bele aplika iha komunidade ida ne’ebé hili nia xefe-suku hosi família ida ne’ebé la’ós liurai nian.

Saida de’it mak fatór sira-ne’e nia importánsia, ita presiza hatene barak liután duké buat ne’ebé ita hatene oras daudaun kona-ba saida mak akontese bainhira sistema prinsípiu rua sira-ne’e hasoru malu iha suku laran. Porezemplu, saida mak mane no feto baibain sira—la’ós ‘parte interesada’ ka ‘reprezentante’ sira—sente tebes kona-ba moris sira-nia vida tuir malae nia prinsípiu sira? Ita bele hetan diferensa ida entre realidade no iluzaun, hanesan ha’u haree iha subdistritu Vikeke durante dékada 1960 klaran. Resposta baibain hosi ema suku ba buat ne’ebé ajente autoridade li’ur iha tempu ne’ebá ezije ba sira, maski sira haree la tuir sira-nia kostume no toman, mak atu simu bosok de’it maibé laran-metin nafatin ba sira-nia identidade koletiva nu’udar erdeiru ba buat ne’ebé sira komprende hanesan tradisaun antigu nian.49 Ne’eduni, bainhira Nasoins Unidas promove kauza osidentalizasaun nian presiza hatene haree diferensa entre ‘konversa’ jenuina no ema nia garantia de’it katak simu. Se Nasoins Unidas labele halo ne’e, bainhira nia ajente sira sai hosi Timor sira sei deskobre katak prinsípiu no instituisaun ne’ebé de’it sira esforsa maka’as atu promove sei la moris naruk iha suku laran.



Pages:     | 1 |   ...   | 6 | 7 || 9 | 10 |   ...   | 16 |


Similar works:

«MAINE BUREAU OF INSURANCE ANNUAL REPORT FROM THE SUPERINTENDENT TO THE LEGISLATURE PREPARED BY THE STAFF OF THE MAINE BUREAU OF INSURANCE JOHN ELIAS BALDACCI MILA KOFMAN GOVERNOR SUPERINTENDENT IN MEMORY OF ROSALIE W. HOWES A DEDICATED MEMBER OF THE TEAM WHO HELPED COUNTLESS PEOPLE AND WHO IS MISSED EVERY DAY. Table of Contents Pages 1-4 Preface and Significant Bureau Accomplishments Bureau Work Units Page 4 Summary of Individual Bureau Work Units Pages 4-14 Maine Domestic Insurers Premium and...»

«INTRODUCTION Towards a Critical Moral Anthropology Didier Fassin In Moral Anthropology, Didier Fassin ed., Malden: Wiley-Blackwell, 2012: 1-17 To deal usefully with the relationship between morality and the social sciences one must first realize that modern social science arose to a considerable extent in the process of emancipating itself from the traditional moral teachings. Albert Hirschman, “Morality and the Social Sciences”, 1980 If the moral domain corresponds to what people treat as...»

«Overview of Variable Renewable Energy Regulatory Issues A CLEAN ENERGY REGULATORS INITIATIVE REPORT Mackay Miller and Sadie Cox National Renewable Energy Laboratory Technical Report NREL/TP-6A20-61350 May 2014 Contract No. DE-AC36-08GO28308 Overview of Variable Renewable Energy Regulatory Issues Mackay Miller and Sadie Cox National Renewable Energy Laboratory Produced under the guidance of the Department of Energy and the Clean Energy Ministerial by the National Renewable Energy Laboratory...»

«MULTI-SPECIES STATE-SPACE MODELLING OF THE HEN HARRIER (CIRCUS CYANEUS) AND RED GROUSE (LAGOPUS LAGOPUS SCOTICUS) IN SCOTLAND Leslie Frances New A Thesis Submitted for the Degree of PhD at the University of St. Andrews Full metadata for this item is available in the St Andrews Digital Research Repository at: https://research-repository.st-andrews.ac.uk/ Please use this identifier to cite or link to this item: http://hdl.handle.net/10023/864 This item is protected by original copyright...»

«UNITED STATES DISTRICT COURT FOR THE DISTRICT OF NEW JERSEY _ ) SECURITIES AND EXCHANGE COMMISSION, ) ) Plaintiff, ) ) v. ) Civil Action No. ) LUCENT TECHNOLOGIES INC., ) COMPLAINT NINA AVERSANO, ) JAY CARTER, ) JURY DEMANDED ALICE LESLIE DORN, ) WILLIAM PLUNKETT, ) JOHN BRATTEN, ) DEBORAH HARRIS, ) CHARLES ELLIOTT, ) VANESSA PETRINI, ) MICHELLE HAYES-BULLOCK and ) DAVID ACKERMAN, ) Defendants. ) _ ) Plaintiff Securities and Exchange Commission (the “Commission”) alleges: ADDRESSES OF THE...»

«PRIVATE DRINKING WATER IN CONNECTICUT Publication Date: May 2013 Publication No. 24: Private Well Testing Testing your well water provides you with information on the quality of your drinking water. Testing is the best way to ensure that your drinking water supply is safe from harmful chemicals. In addition, water testing can determine whether nuisance impurities are present, such as iron and manganese. The purpose of this fact sheet is to assist private well owners in deciding how frequently...»

«Full Title: The Case for Ethical Autonomy in Unmanned Systems Running Title: Ethical Autonomous Systems Author: Ronald C. Arkin Contact: Email: arkin@cc.gatech.edu Telephone: 1-404-894-9311 Institutional Affiliation and Address: Georgia Institute of Technology 85 5th Street NW Atlanta, Georgia, U.S.A. 30308 Biographical Sketch Ronald C. Arkin is Regents' Professor of Computer Science and Director of the Mobile Robot Laboratory at Georgia Tech University (Atlanta, GA). He also serves as the...»

«SONDERFORSCHUNGSBEREICH 504 ¨ Rationalitatskonzepte, Entscheidungsverhalten und ¨ okonomische Modellierung No. 99-48 Pension reform, savings behavior and corporate governance   ¨ Borsch-Supan, Axel ¡    and Winter, Joachim April 1999 Financial Support from the Deutsche Forschungsgemeinschaft, SFB 504 at the University of Mannheim, is gratefully acknowledged. ¢ Sonderforschungsbereich 504, email: abs@econ.uni-mannheim.de £¢ ¢ ¨ Sonderforschungsbereich 504, Universitat Mannheim,...»

«Housing and Portfolio Choice: A Life Cycle Simulation Model Max Fl¨totto o January 2006 The following text was written in the summer of 2005 as my diploma thesis. I thank Axel B¨rsch-Supan and Alexander Ludwig for superb advising and support. o The Matlab code is available upon request – maxf@stanford.edu. Contents 1 Introduction 1 2 Housing and Portfolio Choice Theory 5 2.1 Static Models with Housing................6 2.2 A Standard Life Cycle Model with Housing.........»

«U. S. DEPARTMENT OF LABOR Employees’ Compensation Appeals Board In the Matter of GRADY A. TUBBS and U.S. POSTAL SERVICE, ARROYO ANNEX, Pasadena, CA Docket No. 01-351; Submitted on the Record; Issued March 26, 2002 DECISION and ORDER Before MICHAEL J. WALSH, ALEC J. KOROMILAS, MICHAEL E. GROOM The issues are: (1) whether appellant forfeited his right to compensation for knowingly omitting or understating his earnings during the periods from February 17, 1984 to June 24, 1989, September 28,...»

«Dragon Hall, Norwich (449N): Ceramic Building Material Sue Anderson, January 2001. Introduction A total of 2879 fragments of ceramic building material (CBM) weighing 407.051 kg was collected during the evaluation and excavation. This was only a sample of the large quantity of material found on the site. Table 1 lists the count and weight quantification of the CBM by category. Category No. Wt/g Roof tile 1412 83722 Pantile 107 10455 Chimney 2 245 Brick 20 1738 Early brick 741 142683 Late brick...»

«FOR PUBLICATION UNITED STATES COURT OF APPEALS FOR THE NINTH CIRCUIT UNITED STATES OF AMERICA, No. 11-30363 Plaintiff-Appellee, D.C. No. v. 2:11-cr-00121RMP-1 CHARLES LEE GILLENWATER, II, Defendant-Appellant. UNITED STATES OF AMERICA, No. 12-30027 Plaintiff-Appellee, D.C. No. v. 2:11-cr-00121RMP-1 CHARLES LEE GILLENWATER, II, Defendant-Appellant. OPINION Appeal from the United States District Court for the Eastern District of Washington Rosanna Malouf Peterson, Chief District Judge, Presiding...»





 
<<  HOME   |    CONTACTS
2017 www.sa.i-pdf.info - Abstracts, books, theses

Materials of this site are available for review, all rights belong to their respective owners.
If you do not agree with the fact that your material is placed on this site, please, email us, we will within 1-2 business days delete him.