WWW.SA.I-PDF.INFO
FREE ELECTRONIC LIBRARY - Abstracts, books, theses
 
<< HOME
CONTACTS



Pages:     | 1 |   ...   | 13 | 14 || 16 |

«Damian Grenfell, Mayra Walsh, Januario Soares, Sofie Anselmie, Annie Sloman, Victoria Stead no Anna Trembath ...»

-- [ Page 15 ] --

‘Sustentabilidade komunitária’ hanesan kuadru ida ne’ebé Globalism Research Centre (GRC) uza tiha hodi hala’o projetu iha rai Papua-Giné Foun, Malázia, India no seluk tan, hanesan mós iha TimorLeste. Hodi termu ‘sustentabilidade komunitária’ ami hakarak hatete maneira sira liuhosi ne’ebé komunidade sira hamutuk hela ho forma duravel no koerente ba tempu naruk mezmu bainhira hasoru dezafiu boot no mudansa maka’as.

Liuhosi ida-ne’e, ami haree se no oinsá ema nia grupu sira biban mantein ligasaun tempu naruk nian ne’ebé tahan presaun. Hosi ami-nia uzu ba liafuan ‘sustentabilidade’, ami halosun sensibilidade subjetiva no ema sira-nia relasaun ba malu, envezde atu haree ba indikadór kona-ba dezenvolvimentu fíziku. Komunidade ida la presiza halo nia forma sai fiksu hodi bele sai sustentavel; loloos, adaptasaun buat ida ne’ebé nesesáriu atu bele hatán ba mudansa ka presaun sira. Maibé, ba komunidade ida atubele sustenta an, ema sira-nia ligasaun ba malu no ba grupu tenke hafoun no hala’o badaudaun ho maneira ruma.

Nu’udar konseitu ida, ‘seguransa komunitária’ loke dalan ba konsiderasaun kona-ba ameasa direta sira, hanesan forma konflitu sosiál sira, violénsia no destruisaun propriedade nian, no mós ba abilidade atu hetan buat sira ne’ebé bele konsidera katak permite moris ida di’ak, hanesan asesu ba uma di’ak, ai-han, saúde, edukasaun no espresaun kulturál. Envezde estudu formál ida kona-ba seguransa ne’ebé baibain fó énfaze ba buat ida naran ‘polítika nivel aas’ hosi polítika esterna, armamentu no funu entre nasaun sira, ami halo análize liuliu ho relasaun ba ‘seguransa umana’, hodi aplika foku seguransa nian ba moris loroloron. Loloos ne’e seguransa ‘ba’ buat ruma, liuliu ba moris hakmatek ida iha-ne’ebé nesesidade báziku sira satisfás lahó violénsia ka ameasa.

Dezenvolvimentu ba área seguransa umana nian muda tiha énfaze diskursu seguransa nian hosi protesaun ba estadu sira ba fali habele sosiedade sira. Maibé, ami haree seguransa umana hanesan sei kuran hela kona-ba ba aspetu importante balu, liuliu nia tendénsia atu tau foku ba indivíduu sira nu’udar baze análize nian. Seguransa determina tuir dalan sosiál, ne’eduni di’ak liu atu konsentra análize ba ema lubuk sira hodi komprende oinsá mak seguransa ne’e hetan ka lae.

Hodi hahú halo argumentu ba ‘seguransa komunitária’, ami sente katak konseitu ida-ne’e mak di’ak liu atu habele haksesuk kona-ba maneira oinsá forma importante seguransa nian sira determina tiha iha kontestu sosiál no integra tiha ba padraun rezolusaun konflitu nian ne’ebé ema sira uza, no maneira sira tuir ne’ebé komunidade biban (ka lae) sustenta nesesidade báziku sira hanesan bee, ai-han, edukasaun, movimentu no norma kulturál sira.

Tuir termu sira-ne’e, sentidu seguransa nian bele habelar tiha hodi abranje komunidade ida nia kbiit atu hamkadak no intervein iha prosesu mudansa sira-ne’ebé mak fó impaktu ba sira-nia moris envezde simu de’it mudansa sira-ne’e hanesan hamonun ida ba sira.

Malorek tiha katak iha pontu kruzamentu balu entre sustentabilidade no seguransa. Seguransa komunitária bele konsidera hanesan kruzamentu barabarak entre atividade sosiál oioin ne’ebé mak define komunidade ida nia durabilidade, inklui hamosu sentidu ida kona-ba identidade komún. Defaktu kuran seguransa nian bele ameasa komunidade nia ezisténsia hanesan mós katak seguransa maka’as bele ajuda komunidade nia kbiit atu mantein rasik an. Maibé, hanesan relatóriu ida-ne’e hatudu, bele la akontese hanesan ne’e tanba komunidade sira iha kbiit atu mantein rasik an bainhira hasoru ameasa boot sira.

... Iha pelumenus argumentu lubuk tolu ne’ebé fó enkuadramentu ba relatóriu iha jerál.

Argumentu dahuluk katak Nanu, Sarelari, Luha Oli no Golgota hotu-hotu biban mantein nivel aas sustentabilidade komunitária nian bainhira hasoru nivel ki’ik seguransa komunitária nian. Iha ezemplu Nanu, Sarelari, no Luha Oli nian malorek katak komunidade sira-ne’e ida-idak hasoru nivel ki’ik seguransa nian kona-ba produsaun ai-han, pobreza, saúde, edukasaun no asesu ba servisu sira maski komunidade ida-idak la hasoru ameasa direta hosi violénsia durante tempu bainhira hala’o aminia peskiza ne’e. Hosi sorin seluk, Golgota iha nivel aas liu alfabetizasaun nian no hetan sentidu boot liu kona-ba moris-di’ak finanseiru no mós asesu di’ak liu ba servisu saúde, edukasaun, no ekonomia osan nian. Maibé, biar Golgota rasik hanesan maizumenus livre hosi divizaun, nu’udar komunidade ida iha ambiente urbanu boot nia laran, komunidade nia abilidade atu hamenus risku hosi violénsia ki’ik liu fali hanesan hatudu durante krize tinan 2007 no 2007 nian.

Argumentu daruak ne’ebé fó enkuadramentu ba relatóriu ida-ne’e identifika komunidade sira-nia kapasidade atu mantein forma sustentabilidade partikulár ida. Iha kazu Nanu, Sarelari no Luha Oli nian, biar hasoru distúrbiu sosiál maka’as nu’udar konsekuénsia hosi funu, komunidade sira-ne’e ida-idak hatudu katak sira duravel liuliu tanba kontinuasaun ba prátika tradisionál no kostumeiru sira duké introdusaun ba ‘dalan modernu’ hosi kolonializmu Portugés, durante okupasaun Indonézia ka hori Timor-Leste nia independénsia formál. La’ós katak laiha buat modernu ka ema dada an hosi buat ne’ebé modernu, maibé katak liuliu komunidade sira-ne’e integradu didi’ak liuhosi fiar kostumeiru ka tradisionál lubuk. Parese katak komunidade sira-ne’e biban adapta ba mudansa, liuliu liuhosi uza estrutura sosiál sira-ne’ebé iha atu intervein no hasoru mundu ida ne’ebé muda badadaun, no hatudu nivel aas organizasaun nian. Maibé, komunidade tolu hotu-hotu mós hatudu malorek katak importante tebes atu mantein nafatin sira-nia fiar no kultura mezmu bainhira hasoru ezijénsia sira hosi dezenvolvimentu.





Ho kontraste ba Nanu, Luha Oli no Sarelari, buat kostumeiru ka tradisionál nia importánsia ki’ik liu ba maneira oinsá Golgota biban sustenta an, maibé ne’e kestaun ida kona-ba grau duké ba diferensiasaun absoluta. Buat ne’ebé ami hetan mak durabilidade ida ne’ebé mosu hosi abilidade atu jere fiar tradisionál no modernu sira hamutuk. Ne’e bele haree hosi maneira oinsá ema sira biban partisipa iha forma servisu ka edukasaun modernu nian enkuantu sira mantein nafatin relasaun tradisionál ho komunidade sira ne’ebé sira moris dook hosi Golgota. Maibé iha momentu balu, prátika ba fiar tradisionál sira aplika mós iha Golgota bainhira fiar sira-ne’e la’o hamutuk ho maneira modernu haree mundu atu ajuda ema interpreta mamosuk sosiál sira, rezolve konflitu no asegura saúde di’ak no moris-di’ak finanseiru iha aldeia laran. Ne’eduni komunidade nia durabilidade, pelumenus hosi parte ida, mai hosi ema sira-nia kbiit atu hamkadak forma integrasaun sosiál nian oioin tuir sirania termus rasik.

Argumentu datoluk ne’ebé fó enkuadramentu ba relatóriu ida-ne’e hanesan estensaun partikulár ida hosi argumentu dahuluk no implísitu liu iha relatóriu rasik nia laran. Maski komunidade haat sira-ne’e hatudu nivel rezisténsia maka’as kona-ba sira-nia abilidade atu sustenta rasik an, nivel ki’ik seguransa komunitária nian signifika katak sira presiza nivel enerjia no rekursu maka’as hodi bele sobrevive dezafiu imediatu sira no hodi satisfás nesesidade moris loroloron nian. Buat ne’e iha implikasaun ba komunidade sira-nia abilidade atu hanoin no planeia sira-nia sustentabilidade rasik ba futuru tempu naruk nian. Kondisaun seguransa nian mak ida ne’ebé limita kapasitasaun ba komunidade sira-ne’e atubele avansa ba moris ida ne’ebé di’ak liu ho sentidu moris-di’ak ne’ebé boot liu. Bainhira luta hasoru nivel ki’ik seguransa nian, dala barak komunidade sira-nia abilidade limitadu atu bele hakat liu buat imediatu no atu jere no promove mudansa ba tempu naruk ho maneira proativa.

–  –  –

3. Rekomendasaun sira Konferénsia Harii Nasaun iha Timor Leste Urbanu no Rurál lidera husi organizasaun hanesan FONGTIL, RMIT no AVI no hala’o iha dia 8, 9 no 10 de Jullu 2009 iha salaun Sao Joao Paul II Comoro.

Konferénsia ne’e fó oportunidade ba ema Timor(husi Dili, distritu nomos subdistritu) no ema husi rai seluk atu halo reflesaun, diálogu no debate kona-ba prosesu harii nasaun iha Timor-Leste desde

1999. Konferénsia ne’e loke husi sua Exelénsia Vise Primeiru Ministru Sr Jose Luis Guterres no taka husi Deputada Parlamentu Nasional Dra Cipriana Pereira. Konferénsia ne’e la’o ho di’ak no hetan ánimu/feedback ne’ebé di’ak husi partisipante Timor nomos internasionál. Konferénsia ne’e mós fó oportunidade ba partisipante sira halo grupu diskusaun, iha grupu diskusaun nia laran ema Timor no internasionál partisipa mós. No iha grupu diskusaun nia laran, iha buat barak ne’ebé sira ko’alia no

depois halo sai hanesan rekomendasaun ne’ebé ita bele haree tuirmai ne’e:

Rekomendasaun husi Konferénsia Harii Nasaun iha Timor Leste Urbanu no Rurál Rekomendasaun sira-ne’e mak mai husi reprezentante husi distritu Timor hotu, Rai Internasionál, Sosiedade Sivíl Timor Leste, estudante Timor Leste no Akadémiku internasionál no lokál.

Rekomendasaun sira foka ba área neen; Harii Nasaun, Jéneru, Justisa, Paz no Seguransa, Dezenvolvimentu no Governasaun. Rekomendasaun sira-ne’e atu fó ba Governu, Sosiedade Sivíl, Media, UNMIT, PNTL, F-FDTL no atu publika iha publikasaun Konferénsia nian ne’ebé atu fahe ba internasionál no nasionál.

Rekomendasaun kona-ba Harii Nasaun

1. Aselera desentralizasaun iha kontestu lei hodi fó dalan ba partisipasaun komunidade, hodi haree ba setór sira hanesan: desizaun, planu no implementasaun.

2. Lei (Dekretu Lei) atu aselera pontu primeiru.

3. Forma ekipa fasilitadór atu rona nesesidade povu no hato’o ba governu no husi governu ba povu.

4. Kuadru legál sira bazeia ba hanoin no nesesidade husi povu iha baze.

5. Ekipa monitorizasaun ba prosesu desentralizasaun.

6. Preparasaun lideransa lokál, treinamentu to’o ba planeamentu jestaun.

Rekomendasaun kona-ba Jéneru

1. Presiza harii uma mahon ba distritu hotu-hotu no harii prizaun espesífiku ba feto sira

2. SEPI tenki fó kapasitasaun ba fokal point ba distritu atu hasa’e kapasidade kona-ba jéneru

3. Husu ba parlamentu nasionál atu aprova lailais lei violénsia doméstika

4. Envolve mós mane sira atu tuir treinu jéneru

5. Envolve feto sira foti desizaun iha prosesu tesi-lia tradisionál Rekomendasaun kona-ba Justisa

1. Husu ba Parlamentu Nasionál atu debate lailais relatóriu CAVR no kria lei reparasaun ba vítima violasaun direitu umanus tinan 1974-1999.

2. Husu ba governu (orgaun kompetente) atu fó formasaun ba juiz no advogadu Timor-Leste hodi hasa’e kapasidade hodi kaer tribunál hodi fó julgamentu ba kualkér kazu krime no husu ba ministériu públiku atu fó atensaun ba kazu ne’ebé rejista iha tribunal.

3. Husu ba orgaun soberanu seluk ho lider polítiku atu labele halo intervensaun ba desizaun tribunál no juiz no prokuradór internasionál sai nu’udar konselleiru asesór.

4. Husu ba governu/estadu Timor-Leste atu konsidera no rekoñese kazu krime grave sira ne’ebé akontese iha tinan 1999, no mós atu lori atór kriminozu sira ba tribunál internasionál no nasionál hodi halo julgamentu.

5. Husu ba governu no parlamentu nasionál hodi halo sosializasaun kona-ba lei formál/tradisionál) ba povu Timor-Leste.

Rekomendasaun kona-ba Paz no Seguransa

1. Husu ba lideransa polítika no orgaun soberanu atu haree ba interese komún labele haree ba interese partidáriu.

2. Loke postu seguransa husi nivel nasionál to’o rurál. Halo rotasaun servisu PNTL no F-FDTL ba territóriu tomak iha Timor-Leste.

3. Kria sistema prevensaun ne’ebé sustentavel ba ameasa alimentár, dezastre naturál no dezastre sosiál sira.

4. Husu ba orgaun soberanu atu bele kria kondisaun di’ak, ba PNTL ho F-FDTL, hadi’a sistema saláriu, aumenta fasilidade no haree filafali lei PNTL atu servi komunidade tuir lei no orden ne’ebé vigora iha Timor-Leste.

5. Husu ba UNMIT /UNPOL / Kommunidade/ ajénsia internasionál atu habiit liután kapasidade PNTL no F-FDTL, halo koordenasaun no kooperasaun servisu ne’ebé di’ak iha área seguransa entre lokál no Internasionál no respeitu ba kultura Timor-Leste.

Rekomendasaun kona-ba Dezenvolvimentu

1. Hadi’a kualidade no fortifika iha área rurál duké urbanu.

2. Planu dezenvolvimentu tenke husi baze (rurál) mak ba leten (nasionál).

3. Rekomenda ba governu atu forma mekanizmu ne’ebé kompostu husi: governu lokál, sosiedade sivíl, tékniku hodi halo monitorizasaun, avaliasaun no planeamentu ba programa área rural.

Rekomendsaun kona-ba Governasaun Desentralizasaun dezenvolvimentu, rekursu umanu, no tenke iha sistema monitorizasaun ne’ebé sustentavel ba programa dezenvolvimentu hotu-hotu.

Hala’o edukasaun sívika ne’ebé sustentavel kona-ba lei no demokrasia.

Foti membru governu sira tenke tuir nia profisaun, edukasaun nune’e bele iha governasaun ne’ebé di’ak (demokrátiku, transparente, responsavel, sai xave ba transformasaun).

Hamosu dekretu-lei atu garante papél sosiedade sivíl tuir funsaun nu’udar kontrole sosiál no halo revizaun ba dekretu-lei No.5/2005 (orgaun la lukrativu).

Tenke reduz burokrasia iha servisu governu nian no aumenta funsionáriu públiku.

Pesoál FONGTIL mak fasilita grupu diskusaun sira-ne’e, inklui Dinorah S. X. Granadeiro, Antonio Abel Guterres, Guilherme Soares, Mario da Silva, Manuel Sequeira, Armindo dos Santos and Janu Soares, and Domingoes Ati from AHCAE Oecussi.

4. Kona-ba Konferénsia

Fatin Konferénsia Harii Nasaun hala’o iha Sentru Joao Paulo II iha Komoro, iha Dili nia norte. Sentru ne’e Salezianu sira nian no sira mak jere, no hala’o atividade komunitária oin-oin. Sentru ne’e hafó akomodasaun no apoiu ba joven sira ne’ebé mai Dili atu kontinua sira-nia estudu no buka servisu, no mós hafó fatin seguru ida ba ema barak durante krize 2006 iha Dili iha tinan 2006. Fatin ne’e di’ak tebes ba konferénsia no oferese espasu oin-oin ba reuniaun sira. Sesaun plenária, sesaun no refeisaun sira hala’o iha salaun boot ida seluk ketak, no sesaun seluseluk hala’o besik salaun konferénsia nian.

Jardin no ninia tatuur iha kedas Dili li’ur promove ambiente ida kmanek no ajuda hamoris ambiente ba konferénsia rasik.

Divertimentu Durante konferénsia nia lala’ok, divertimentu tutan mós ba ambiente furak no hafó perspetiva ida diferente kona-ba prosesu harii nasaun no Timor nia kultura. Produtu Timor nian mós iha atu fa’an durante períodu konferénsia no konferénsia ne’e loke ho dansa hosi Le-Ziaval. Konferénsia taka ho konjuntu muzikál lokál Galaxy no sira habarani partisipante hotu-hotu atu dansa. Konferénsia simu mós ezibisaun ba sasán hosi grupu arte lokál sira hanesan Sanggar Kultura, Sanggar masin, Sanggar Matan, Sanggar Weturu, Gembel, Arte Moris, no ne’ebé Arte Moris organiza. Sasán iha ezibisaun ne’e inklui sasán tradisionál no modernu ne’ebé halo ho materiál oioin, no ne’ebé hatudu diversidade artista Timor-Leste nian no hafó perspetiva diferente kona-ba konferénsia nia tópiku sira.

Sosializasaun Atividade sosializasaun sira habele ekipa konferénsia nian atu aprezenta konferénsia, esplika lójika no objetivu konferénsia nian no hafó oportunidade ba ema atu husu pergunta diretamente ba konferénsia nia organizadór sira. Vizita sira-ne’e importante tebetebes atu dada partisipante hosi Dili li’ur, barak ne’ebé seidauk partisipa iha konferénsia ka semináriu ida iha sira-nia distritu rasik nia li’ur.

Entre loron 6 Abril no 8 Maiu, ekipa projetu nian halo viajen ba Timor-Leste nia distritu hotu-hotu.



Pages:     | 1 |   ...   | 13 | 14 || 16 |


Similar works:

«STATE OF MICHIGAN COURT OF APPEALS PEOPLE OF THE STATE OF MICHIGAN, FOR PUBLICATION August 18, 2015 Plaintiff-Appellant, 9:05 a.m. v No. 320209 Wayne Circuit Court SALAH AL-SHARA, LC No. 13-008152-AR Defendant-Appellee. Before: HOEKSTRA, P.J., and SAWYER and BORRELLO, JJ. HOEKSTRA, P.J. The prosecution appeals by leave granted a circuit court order vacating defendant’s nolo contendere plea. Because the district court failed to advise defendant of his Jaworski1 rights during the plea...»

«A CASE STUDY OF LEGITIMATE LITERACIES: TEENS’ “SMALL WORLD” AND THE SCHOOL LIBRARY BY SHARON L. COMSTOCK DISSERTATION Submitted in partial fulfillment of the requirements for the degree of Doctor of Philosophy in Library and Information Science in the Graduate College of the University of Illinois at Urbana‐Champaign, 2012 Urbana, Illinois Doctoral Committee: Professor Bertram (Chip) Bruce, Chair Associate Professor Ann P. Bishop Dr. Umesh Thakkar...»

«Pre-publication draft of a paper which appeared iin Proceedings of the 2003 Australasian Dataming Workshop AUSDM03 pp 1-9. Publisher: University of Technology, Sydney Preliminary investigations into statistically valid exploratory rule discovery Geoffrey I. Webb School of Computer Science and Software Engineering, Monash University, Melbourne, Vic 3800, Australia Email: webb@csse.monash.edu.au Telephone: +61 3 9905 3296 Fax: +61 3 9905 5146 Abstract. Exploratory rule discovery, as exemplified...»

«192 American Archivist / Vol. 54/ Spring 1991 An Archival Bestiary TRUDY HUSKAMP PETERSON Abstract: Well, yes, this is a bit abstract. But this whimsical presentation analyzes the origins, relationships, and evolution of archival terms and expressions. About the author: Trudy Huskamp Peterson is assistant archivist ofthe United States at the National Archives and Records Administration in Washington, D. C. She introduced the archival bestiary at a meeting of the Mid-Atlantic Regional Archival...»

«Consumer Sharing of Viral Video Advertisements: A Look into Message and Creative Strategy Typologies and Emotional Content Blaise Jenkins A Capstone Project Presented to The Faculty of the School of Communication In Partial Fulfillment of the Requirements for the Degree of Masters of Arts in Public Communication Supervisor: Prof. Lauren Feldman April 21, 2011 Jenkins 2 ACKNOWLEDGEMENT This Capstone would not have been possible without the guidance and the help of Professor of Public...»

«Statement of David S. Mao The Acting Librarian of Congress Before the Subcommittee on Legislative Branch Appropriations U.S. House of Representatives Fiscal 2017 Budget Request March 2, 2016 Mr. Chairman, Ranking Member Wasserman Schultz, and Members of the Subcommittee: Thank you for the privilege to provide testimony in support of the mission and fiscal 2017 budget request of the Library of Congress. The mission of the Library of Congress is to provide the Congress and the American people...»

«compos mentis Rethinking the Goal of Imprisonment Tracy Graves Ball State University ABSTRACT Upon completing a prison sentence and returning to society, an incarcerated individual is oftentimes not equipped to return to society. There are extenuating circumstances that lead a person to commit crime, such as poverty, mental illness, class and race disparities. However, an individual cannot act outside the circumstances within hir life. In order for an individual to change hir actions, the...»

«Copyright © 2000 by Review and Herald ® Publishing Association International copyright secured The author assumes full responsibility for the accuracy of all facts and quotations as cited in this book. Texts credited to Amplified are from The Amplified Bible. Copyright © 1965 by Zondervan Publishing House. Used by permission. Scripture quotations marked NASB are from the New American Standard Bible, © by The Lockman Foundation 1960, 1962, 1963, 1968, 1971, 1972, 1973, 1975, 1977. Texts...»

«Wood Pellets as an Alternative Stall Bedding Material A Research Update by Peter Moon, P.E. Over the past five years, I have been researching alternative stall bedding materials for horse farms and stables with the hope of finding a product that performs as well or better than straw or wood shavings and can be composted to produce a superior, marketable finished compost product. In my opinion, wood pellets achieve these goals and will soon become the next generation in horse bedding nationwide....»

«Paul Parish Church Magazine March 2015 50p St Mary with St Paul, Penzance; St John the Baptist, Penzance; St Peter’s, Newlyn; St Pol de Leon, Paul. 01736unless other wise stated Activities Choir Practice Wed. 7.30pm John Harry (church) Bell Ringing Thurs.7.30pm Margaret Byrne (church) 731617 Women’s Institute 2nd Thurs. 7.30pm Linda Burton (church hall) 732618 Parent and Toddler Thurs. 10am 12 Susie Chalkin (church hall) 732959 Mobile: 07789 542480 susiechalkin@me.com Luncheon Club Mon. 12...»

«Ayon CD-5 reference CD player with integrated preamplifier Doug Schroeder February 2010 Specifications: Conversation rate 192kHz / 24 bit CD-Transport Philips CD-Pro 2 Tube complement – Analog output stage 4 x 6H30 Tube complement Power Supply 4 x 6X4 Dynamic range 110dB Output level @1 kHz / Rms LOW 0-4V variable Output level @1 kHz / Rms – MED 0-6V variable Output level @1 kHz / Rms HIGH 0-8V variable to drive a power amp directly Output impedance Single-Ended-RCA ~ 300 Ohms Output...»

«UKCG 10 Golden Standards for Contractors AboutUKContractorsGroup(UKCG) UKCG is the primary association for construction contractors and their supply chain partners operating in the UK. Together, UKCG members account for around a third of UK construction output. UKCG works collaboratively with external organisations, such as the CBI Construction Council, to ensure our members’ voice is heard by government and society at large. UKCGEnvironmentGroup The UKCG Environment Group works to...»





 
<<  HOME   |    CONTACTS
2017 www.sa.i-pdf.info - Abstracts, books, theses

Materials of this site are available for review, all rights belong to their respective owners.
If you do not agree with the fact that your material is placed on this site, please, email us, we will within 1-2 business days delete him.