WWW.SA.I-PDF.INFO
FREE ELECTRONIC LIBRARY - Abstracts, books, theses
 
<< HOME
CONTACTS



Pages:     | 1 |   ...   | 12 | 13 || 15 | 16 |

«Damian Grenfell, Mayra Walsh, Januario Soares, Sofie Anselmie, Annie Sloman, Victoria Stead no Anna Trembath ...»

-- [ Page 14 ] --

Tentativa formál ida dahuluk atu reintegra antigu kombatente independénsia nian mak Programa Asisténsia Reinsersaun FALINTIN nian (FRAP), ne’ebé dezenvolve iha tinan 2000 iha administrasaun UNTAET nia okos no ne’ebé tenta fó asisténsia ba reintegrasaun sosiál no ekonómika iha sosiedade sivíl ba gerrilleiru 1308 ne’ebé la selesiona atu tama ba Forsa Defeza Timor-Leste. Programa ne’e hafó eis-gerrilleiru ida-ida pakote ida ne’ebé inklui transporte filafali ba komunidade ne’ebé simu sira, subsídiu tranzitóriu ida ho valór $500 dolar amerikanu durante fulan 5, pakote reintegrasaun ka 96 Atu hetan avaliasaun krítika ida kona-ba Programa Asisténsia Reinsersaun Falintil, haree John McCarthy, ‘Falintil Reinsertion Assistance Program (FRAP), A Final Evaluation Report’, USAID, Dili, Juñu 2002.

97 ‘East Timor at flashpoint as disillusionment sets in,’ Sydney Morning Herald, 14 Dezembru 2002.

atividade hamosu rendimentu, treinu, no mós enkamiñamentu (referral) ba empregu no kuidadu médiku. Maski tau foku ba asisténsia inisiál tranzitória ba eis-kombatente sira, programa ne’e la hafó solusaun tempu naruk nian no la envolve ka fó garantia ba partisipasaun iha prosesu jerál harii nasaun nian.98 Tuirfali ida-ne’e, Governu Alkatiri/Fretilin harii pozisaun sekretáriu estadu ba asuntu veteranus nian no hala’o prosesu rejistu ba veteranu sira ho intensaun atu fó pensaun.99 Maibé problema mak veteranu na’in 350 de’it ne’ebé halo servisu militár tinan 15 ka liu mak sei simu pagamentu mensál dolár amerikanu $407 (liu $100 saláriu servisu públiku nian). Veteranu sira ne’ebé halo servisu militár tinan ualu to’o sanulu-resin-haat bele simu pensaun bainhira de’it sira to’o idade limanulu-resin-lima. Joven gerrilleiru barak ne’ebé hasoru difikuldade ho asesu ba servisu, edukasaun no formasaun vokasionál sente katak situasaun ne’e la justu no diskriminatóriu.

Tranzisaun hosi kombatente ba moris sivíl depende ba kontestu, no kualkér kneras ne’ebé mak buka hamosu tranzisaun no reintegrasaun ba eis-gerrilleiru independénsia nian iha Timor-Leste Grupu diskusaun formula rekomendasaun tenke konsidera estrutura kulturál, istórika no sosiál distinta rain ida-ne’e nian. Iha importánsia partikulár ida atu rekoñese papél lideransa tradisionál no estrutura podér nian iha Timor-Leste, ne’ebé inklui eis-kombatente no elementu sira barak hosi frente klandestina hanesan figura sentrál. Difikuldade sira ne’ebé hetan durante prosesu identifikasaun no validasaun ba membru sira hosi frente klandestina signifika katak to’o oras daudaun seidauk iha programa ka inisiativa hanesan atu tau matan no apoia nesesidade ne’ebé antigu membru no grupu frente klandestina nian sira-ne’e iha. Sira, no mós elementu sira seluk hosi movimentu Independénsia ne’ebé marjinalizadu no la hetan rekoñesimentu— inklui mós grupu arte marsiál no elementu sira iha grupu arte marsiál sira-nia laran—hasoru risku ida atu nakfila an ba grupu armadu violentu, elementu krime organizadu nian, ka guns for hire Treinamentu konferénsia iha Dare, June 2009 (mersenáriu).

Instabilidade nia Hun Ida: Estrutura Seguransa Alternativa sira Reintegrasaun no transformasaun joven veteranu rezisténsia nian—inklui FALINTIL no klandestina—ba sosiedade baibain hanesan komponente esensiál ida ba prosesu harii nasaun no atu hamenus konflitu iha futuru. La’ós koinsidénsia ida katak grupu arte marsiál no arte rituál barak ne’ebé envolve an ba violénsia iha 98 McCarthy, ‘Falintil Reinsertion Assistance. Haree mós, Edward Rees, ‘The UN’s failure to integrate FALINTIL veterans may cause East Timor to fail,’ Online Opinion Australia, 2 Setembru 2003.

99 International Crisis Group, ‘Timor-Leste: Security Sector Reform,’ p.20.

konflitu 2006-2007 nian mosu mai hosi movimentu klandestina no gerrilla nian. Afiliasaun maka’as ba instituisaun seguransa nasionál rua—F-FDTL no PNTL—no mós ba partidu polítiku no elite ekonómika sira hamosu nesesidade ida tan atu buka hetan komprensaun no abordajen ida kle’an no tomak hodi reintegra estrutura seguransa no klandestina tempu uluk nian ba aparellu estadu nian. Autoridade no lejitimidade moral ne’ebé mak grupu sira-ne’e barak estabelese durante tempu okupasaun signifika katak sira hamosu dezafiu potensiál ida tan ba estadu, nomeadamente hanesan fonte autoridade alternativa ida ketak hosi estadu, no ho espesífiku ba setór seguransa nian no instituisaun administrativa sira iha nivel lokál no nasionál.

Hosi Ne’e ba Ne’ebé?

Abordajen ne’ebé surat ne’e defende mak abordajen ida ne’ebé holistic, comprehensive no sosialmente apropriadu liu ne’ebé dezafia ema sira envolvidu iha setór seguransa—Governu, Nasoins Unidas, parte internasionál ho interese ba seguransa no ONG internasionál sira—hodi envolve rezisténsia nia jerasaun dahikus la’ós de’it iha debate maibé mós iha reforma setór seguransa nian no prosesu harii nasaun nian sira. Programa sira ne’ebé hahú hosi ONG Timor sira hanesan Uma Juventude, Ba Futuru no seluseluk hili lider joven partisipante hosi grupu sira hanesan 7-7, 5-5, 3-3, 12-12, Fitar bua Malus, PSHT, KORK, Colimau Duah Ribuh no Sagrada Família, no mós antigu kombatente FALINTIL nian ho idade ki’ik liu 35, hodi fó oportunidade ba sira atu partisipa iha treinu intensivu kona-ba meditasaun konflitu, harii dame, no téknika harii nasaun. Hafoin kompleta programa sira-ne’e maioria partisipante sira hatudu sira-nia efetividade nu’udar ajente ba meditasaun konflitu nian no mudansa iha nivel lokál no mós nasionál.





Ema akadémiku no profisionál sira hotu presiza loke sira-nia neon no uza programa hanesan sira ne’ebé hala’o iha rejiaun Pasífiku nian. Porezemplu, programa sira ne’ebé dezenvolve hodi hatán ba konflitu iha Bouganville no rai-Salomaun fó joven kombatente sira oportunidade atu hetan esperiénsia sira diferente hosi ai-laran. Iha kazu ida, governu rai-Zelándia Foun konvida lider hosi faksaun rua ne’ebé hatuda malu iha funu sivíl Bouganville nian atu hala’o vizita ba rai-Zelándia Foun iha ne’ebé sira bele hasoru ho reprezentante Maori no diskute métodu tradisionál atu mantein sentidu estadu no identidade iha estadu demokrátiku modernu ida nia laran. Esperiénsia ne’e hamosu mudansa atitude hosi faksaun rua nia lider sira, kria kompromisu no komprensaun entre lider sira ho baze ba esperiénsia mútua, no loke sira-nia matan ba posibilidade no benefísiu hosi rezolve konflitu no ostilidade tempu naruk nian liuhosi dalan pasífiku iha rai seluk ho kultura hanesan sira-nian. Ba Bouganville nia ema seluk, buat ne’e hatudu posibilidade atu rezolve sira-nia konflitu tempu naruk nian entre provínsia nia movimentu ba autodeterminasaun no estadu Papua-Giné Foun liuhosi dalan pasífiku.

Importante tebetebes ba Timor-Leste nia paz no estabilidade iha futuru katak parte interesada hotuhotu ne’ebé envolvidu iha reforma setór seguransa—hosi Governu Timor to’o Nasoins Unidas no sira seluk iha klaran—garante envolvimentu boot liután ho rezisténsia nia jerasaun dahikus sai prioridade ida. Grupu ne’e nia reintegrasaun no transformasaun mak xave ba Timor-Leste nia seguransa no estabilidade ba tempu naruk.

Komprende Komunidade Artigu ida ne’ebé tuir mai mak pagina 14 to’o 24 husi Universidade RMIT nia relatoriu Komprende Komunidade: Seguransa no Sustentabilidade iha Aldeia haat iha Timor-Leste: Luha Oli, Nanu, Sarelari and Golgota, 2009, ne’ebé Damian Grenfell, Mayra Walsh, Carmenesa Moniz Noronha, Anna Trembath and Kym Holthouse husi Globalism Research Centre, RMIT University mak hakerek.

Relatoriu ida-ne’e lansu durante konferénsia no fahe tiha ona iha Timor-Leste tomak. Se hakarak asesu relatoriu ida-ne’e bele hetan iha www.timor-leste.org Komprende Komunidade Labarik feto ida tula masa bee rua, ida iha liman ida-idak, la’o tuir estrada rai. Nia halo viajen ne’e loroloron ba bee-matan komún iha ninia aldeia, hein ema seluk iha fatin atu ne’e enxe sira-nian molok filafali. Dalaruma nia ba ne’ebá ho viziña ida, dalaruma nia ba mesak, no dala barak nia gosta rona feto sira seluk ko’alia bainhira sira ida-idak hein atu enxe sirania masa. Bainhira nia filafali nia deskansa uitoan, depois nia tau masa ida ba nia ulun hodi liman tane no kontinua la’o filafali ba uma. Bee ne’e umakain uza hodi te’in, fase bikan, no ba saneamentu báziku. Nia tenke ajuda mós buka ai-maran no prepara ahi iha dapur, nono bee no te’in. Nia tinan sanulu-resin-rua no nia halo buat sira-ne’e pelumenus dala rua loroloron tinan tomak laran.

Kuru bee hanesan ne’e buat ida ne’ebé akontese beibeik iha Timor-Leste kontemporáneu, iha komunidade Nanu, Sarelari, Luha Oli no Golgota, no mós iha distritu sanulu-resin-tolu ne’ebé forma nasaun. Iha komunidade lokál sira, bele haree beibeik ema hala’o atividade oioin loroloron nian hanesan la’o ba sira-nia to’os, servisu loron naruk atu prepara rai hodi kuda, hamoos uma no dasa kintál, tau matan ba balada sira, estuda, fase roupa, haboot no hadi’a uma, harii uma lulik ka prepara ba serimónia hadat, no fila hosi misa ba uma.

Maski tipu atividade sira-ne’e akontese beibeik, kona-ba ema nia moris, relasiona no interaje ba malu tuir prátika loroloron nian, atividade sira-ne’e reprezenta Timor-Leste nia aspetu ida ne’ebé dala barak la hetan análize no konsiderasaun. Atividade sira-ne’e ida-idak, biar simples loos atu komprende ketaketak, hafó dalan importante hodi bele komprende komunidade sira iha jerál. Bainhira haree buat sira-ne’e hanesan parte ba aspetu sosiál tomak, entaun rotina no padraun hosi atividade sira-ne’e, hamutuk ho maneira oinsá sira kruza no liga ba malu ajuda ita hahú komprende saida mak importante ka lae ba ema sira, atividade sira ne’ebé mak domina, sé maka partisipa no oinsá, saida mak halo ema preokupa, oinsá grupu ema sira haree an rasik, no saida mak ema fiar ba. Importante liu ba relatóriu ida-ne’e, tipu atividade sira-ne’e hafó dalan ida hodi komprende oinsá ema kaer sira-nia komunidade hamutuk.

Tan sira mós la hanesan malu, ami la supoin katak komunidade haat iha relatóriu ida-ne’e— aldeia Nanu, Sarelari, Luha oli no Golgota—hanesan ka reprezentativu ba komunidade hotu-hotu iha TimorLeste laran. Nanu iha subdistritu Fatumean, Kovalima komunidade ida ne’ebé ko’alia Tetun-Terik no halo baliza ho Timor-Indonéziu. Hosi sorin seluk fali, Sarelari nakfati iha rai nia rohan seluk iha Lautein no ema ko’alia Sa Ani, lian ida ne’ebé la tama iha sensu nasionál. Komunidade rua sira-ne’e izoladu tebes no iha nivel ki’ik asesu ba servisu públiku sira. Luha Oli iha Venilale nakfati iha fohokadoek sentrál sira no ladún izoladu ho sentidu katak hela besik estrada entre Baukau no Vikeke.

Iha mós servisu públiku di’ak liu ne’ebé asesivel ba Luha Oli nia mahorik sira, maski dalaruma uma barak iha aldeia ne’e mós laiha asesu ba eletrisidade hanesan akontese ba komunidade tomak iha Sarelari no Nanu. Aldeia Golgota nakfati iha Dili nia ninin no iha diversidade etno-linguístiku boot liu fali komunidade tolu sira seluk, iha asesu ba servisu públiku, komunikasaun no eletrisidade barak liu, no ema barak konsidera sira-nia situasaun finanseira di’ak liu fali sira-nia maluk iha área rurál. Biar nune’e, nivel seguransa ki’ik nafatin iha Golgota maski tanba razaun ne’ebé ladún hanesan ho komunidade rurál sira.

Relatóriu nia Konseitu Prinsipál: Komunidade, Sustentabilidade no Seguransa Iha estudu ida-ne’e, ‘komunidade’ ne’e komprende hanesan klibur ka rede ema nian ne’ebé iha ligasaun objetiva ba malu liuhosi relasaun sosiál duravel ne’ebé hakat liu ligasaun jeneolójika imediata, no ema hotu-hotu define relasaun ne’e ho maneira subjetiva hanesan buat ida importante ba sira-nia identidade sosiál no prátika sosiál. Hodi termu ‘ligasaun jeneolójika imediata’ ami hakarak refere ba ligasaun sira ne’ebé reprezenta família ho ninia signifikadu besik liu, hanesan aman-inan no oan sira.

Pontu ne’e importante tanba iha relatóriu ne’e nia laran sai malorek tiha katak jeneolojia nia forma luan liután mak buat ida prinsipál ba maneira oinsá komunidade balu harii iha Timor-Leste.

Ho definisaun ida ne’e, komunidade sira bele mosu mai ho tipu, forma no baboot oioin no sira importante ba ema ho maneira oioin ho mós énfaze oioin. Hosi ami-nia peskiza iha komunidade haat iha relatóriu ne’e, ami haree katak maneira oinsá ema sira sente ligasaun ba komunidade mosu liuhosi fatór oioin. Fatór sira-ne’e inklui: membru komunidade sirania tatuur fíziku besik ba malu no ba ema seluk ne’ebé la’ós membru; importánsia relative fatin nian; sentidu ida kona-ba istória nia kontinuidade ne’ebé la’o liuhosi komunikasaun orál ne’ebé mak moris naruk liu kualkér membru individuál ida;

indikadór ba sentidu pertense nian hanesan ligasaun familiár ka afinidade, hun-fatin, lian, símbolu no sasán tradisionál sira, no forma predominante komunikasaun, transporte no integrasaun ekonómika nian.

Durante ami-nia tentativa atu determina saida loos maka liafuan komunidade signifika ba ema balu iha Timor-Leste ami hetan dezafiu boot ida. Mezmu bainhira hala’o pilotu ida ba projetu ida-ne’e ami hakfodak haree katak dalaruma ema sira susar ho termu ida-ne’e. Ami uza liafuan Tetun ‘komunidade’ hosi influénsia lia-Portugés ne’ebé, maski uza baibain iha Dili, liuliu iha nivel institusionál, ami haloke katak nia sentidu dalaruma la klaru ba ema sira. Maibé laiha liafuan Tetun seluk ne’ebé ami ka lia-Tetun nia kahorik sira bele identifika ho signifikadu hanesan konseitu ‘komunidade’. Ami deside atu uza nafatin termu ‘komunidade’ ho razaun katak dala barakliu ema komprende hodi nune’e ami bele uza, liuliu tanba hahusuk sira ne’ebé ami uza inklui mós lista ho ezemplu hanesan knua, aldeia, suku, nasaun, igreja no servisu-fatin. Aleinde ne’e, tanba kestionáriu barakliu halo liuhosi dalan orál sempre iha oportunidade atu esplika liután bainhira presiza karik.

Di’ak atu para uitoan hodi hanoin kona-ba razaun tansá mak dalaruma ema ladún simu ka komprende liafuan ‘komunidade’ ne’e. Se uzu ba liafuan sira baibain bazeia ba nesesidade, entaun esplikasaun posivel ida mak ema sira ne’ebé presiza kategoria ida abstratu liu hodi bele halo movimentu baibain entre grupu sosiál oin-ketak sira mak uza liafuan ‘komunidade’ ne’e. Hodi lian seluk, ema sira ne’ebé iha mobilidade liu mak presiza termu ida hanesan ‘komunidade’ hodi bele la’o ba fatin-fatin no presiza atu reflete signifikadu hosi ema lubuk diferente sira hanesan mós iha sosiedade sira seluk iha-ne’ebé mak maundobra movel liu. Maibé, ba ema sira ho nivel mobilidade ki’ik liu, sira ladún presiza kategoria globál ida tanba sira moris tuir komunidade nia forma oioin ho maneira kle’an no naturál liu ne’ebé sira koñese ho naran partikulár hanesan knua, aldeia, suku no seluseluk tan.100 Maski relatóriu ne’e buka atu fó sentidu maka’as ida kona-ba oinsá mak ema moris iha aldeia diferente haat iha Timor-Leste, informasaun iha ne’e hale’u tema importante rua, nomeadamente ‘sustentabilidade’ no ‘seguransa’. Hodi define uluk lai saida maka ami hakarak hatete ho liafuan sustentabilidade, ne’e katak konseitu ida ne’ebé baibain ema komprende iha kuadru ambientál nian hodi signifika kontrole ka prevensaun ba estragu iha sistema ekolójiku sira oras daudaun no ba futuru. Literatura ne’ebé iha daudaun promove liután aspetu sosiál sustentabilidade nian. Ne’e katak, baibain liu ema komprende sustentabilidade sosiál hanesan refere ba ligasaun entre prátika ho komunidade umana nia forma sira no ambiente nia 100 ‘Sosiedade sivil’ hanesan ezemplu ida seluk kona-ba tendénsia ida-ne’e, hodi nadalas Timor-Leste nia diversidade linguístika ho uzu la hanesan ba terminolojia lubuk partikulár sira. Iha ezemplu ne’e karik bazeia ba nesesidade atu iha kategoria abstratu liu iha kapitál ne’ebé ema iha tendénsia atu iha mobilidade boot liu, ne’eduni presiza termu sira-ne’e.

kondisaun. Maibé, iha ne’e ami uza liafuan sustentabilidade ho signifikadu oin-seluk maibé konsidera nafatin kestaun sira kona-ba jestaun ba mudansa, hatán ba dezafiu sira no perspetiva ba tempu naruk.



Pages:     | 1 |   ...   | 12 | 13 || 15 | 16 |


Similar works:

«SPEAKING TO REMAIN SILENT: IMPLIED WAIVERS AND THE RIGHT TO SILENCE AFTER BERGHUIS Zachary Mueller* No person shall be compelled in any criminal case to be a witness against himself.Fifth Amendment, U.S. Constitution1 Protecting the rights of even the least individual among us is basically the only excuse the government has for even existing.Ronald Reagan2 The privilege [against self-incrimination], while sometimes “a shelter to the guilty,” is often “a protection to the innocent.”...»

«12 Measuring Success with Boundaries In all the previous chapters we have talked about the importance of boundaries for personal growth, resolving conflicts, and increasing love in our relationships. We have looked at a variety of situations and suggested practical ways for establishing appropriate boundaries. However, the path from a life without boundaries to one where our boundaries are mature is neither short nor easy, as it requires fundamental adjustments to our way of thinking and our...»

«Ukrainian Catholic Parish Парафія Української Католицької Церкви Newcastle and Hunter, 105 Gosford Rd, Adamstown e-mail: ukrchurch.newcastle@iinet.net.au ph: 02 4961 3651 From the life and activities associated with the Parish and the community ISSUE #11 26 August 2014 TRACTOR issues can be accessed at: http://catholicukes.org.au/parishes/newcastle/ PARISH-COMMUNITY CONTENTS of Issue #11 ABOUT THIS ISSUE.  CALENDAR  As Years Go By.  SPECIAL MESSAGE...»

«“Holding a Grudge” Mark 11:25-26 Baxter T. Exum (#927) Four Lakes Church of Christ Madison, Wisconsin June 24, 2007 Introduction: Certainly most of us here this morning believe in the power of prayer, and hopefully most of us consider prayer to be an important part of our daily lives. Sometimes we pray when we wake up in the morning, sometimes we pray before going to bed at night, sometimes we pray as we work or as we go to school, and probably most of us pray before we eat. And yet if we...»

«MORECAMBE TOWN COUNCIL Minutes of the Meeting of Morecambe Town Council held on Thursday 17th March, 2016, at 7.00 p.m. at Morecambe Town Hall Present: Councillors D. Clifford (Chairman), M. Pattison (Vice Chairman), J. Brandwood, C. Brayshaw, D. Brayshaw, T. Brown, S. Burns, I. Clift, C. Cozler, L. Davies, R. Dennison, P. Heath, B. Hughes, L. Hughes, John Hanson, T. Metcalfe, L. Page, N. Semple and D. Whitaker Officers in Attendance: D. Croxall (Town Clerk) 76. Apologies for Absence...»

«A CASE STUDY OF LEGITIMATE LITERACIES: TEENS’ “SMALL WORLD” AND THE SCHOOL LIBRARY BY SHARON L. COMSTOCK DISSERTATION Submitted in partial fulfillment of the requirements for the degree of Doctor of Philosophy in Library and Information Science in the Graduate College of the University of Illinois at Urbana‐Champaign, 2012 Urbana, Illinois Doctoral Committee: Professor Bertram (Chip) Bruce, Chair Associate Professor Ann P. Bishop Dr. Umesh Thakkar...»

«KGAOLO YA SESWAI 8. KAKARETSO 8.1 Matseno Kgaolo ye e lebane le kakaretso ya nyakisiso ye, yeo e rungwago ka tekolo ya mehuta ya dikanegelotseka le dikanegelokopanatseka mo Sepeding. Go tlo tsinkelwa ka boripana le dikokwane tseo mehuta ya dikanegelotseka tseo e ithekgilego ka tsona. Tse di tla lekolwa di theilwe godimo ga dikgopolo tsa Dresden le Vestdijk ( 1957) mabapi le kanegelotseka le kanegelotseka le nonwane.8.2 Kgaolo ya pele Kgaolo ye e arotswe ka dikarolwana tSe seswai. Karolwana ya...»

«OCTOBER TERM, 2014 1 (Slip Opinion) Syllabus NOTE: Where it is feasible, a syllabus (headnote) will be released, as is being done in connection with this case, at the time the opinion is issued. The syllabus constitutes no part of the opinion of the Court but has been prepared by the Reporter of Decisions for the convenience of the reader. See United States v. Detroit Timber & Lumber Co., 200 U. S. 321, 337.SUPREME COURT OF THE UNITED STATES Syllabus CERTIORARI TO THE UNITED STATES COURT OF...»

«10 October 2016 EBA report On the monitoring of Additional Tier 1 (AT1) instruments of European Union (EU) institutions – Second update: FINAL Reasons for publication 1. Pursuant to Article 80 of Regulation (EU) No 575/2013 (Capital Requirements Regulation – CRR) on the continuing review of t h e quality of own funds, t h e ‘EBA shall monitor the quality of own funds instruments issued by institutions across the Union’.2. Furthermore, pursuant to the same Article, ‘competent...»

«VOT 75147 CHARACTERIZATION AND TREATMENTS OF PINEAPPLE LEAF FIBRE THERMOPLASTIC COMPOSITE FOR CONSTRUCTION APPLICATION (PENCIRIAN DAN PERAWATAN GENTIAN DAUN NENAS TERMOPLASTIK KOMPOSIT BAGI PENGGUNAAN PEMBINAAN) MUNIRAH MOKHTAR ABDUL RAZAK RAHMAT AZMAN HASSAN RESEARCH VOT NO: Jabatan Kejuruteraan Polimer Fakulti Kejuruteraan Kimia dan Kejuruteraan Sumber Asli Universiti Teknologi Malaysia ii ACKNOWLEDGEMENT Sincere thanks are indebted to Miss Suriani A.Samat as a Research assistant and to all...»

«MORECAMBE TOWN COUNCIL Minutes of the Annual Meeting of Morecambe Town Council held on Thursday 21st May, 2015, at 7.00 p.m. at Morecambe Town Hall Present: Councillors T. Anderson, A. Ashworth, J. Ashworth, B. Barber, J. Brandwood, C. Brayshaw, D. Brayshaw, T. Brown, D. Clifford, I. Clift, C. Cozler, L. Davies, R. Dennison, Janice Hanson, John Hanson, P. Heath, L. Hughes, T. Metcalfe, M. Ogden, L. Page, M. Pattison, N. Semple and D. Whitaker Officers in Attendance: D. Croxall (Clerk to the...»

«University of Pennsylvania ScholarlyCommons Technical Reports (CIS) Department of Computer & Information Science January 2003 Reasoning About the Updatability of XML Views Over Relational Databases Vanessa P. Braganholo Universidade Federal do Rio Grande do Sul Susan B. Davidson University of Pennsylvania, susan@cis.upenn.edu Carlos A. Heuser Universidade Federal do Rio Grande do Sul Follow this and additional works at: http://repository.upenn.edu/cis_reports Recommended Citation Vanessa P....»





 
<<  HOME   |    CONTACTS
2017 www.sa.i-pdf.info - Abstracts, books, theses

Materials of this site are available for review, all rights belong to their respective owners.
If you do not agree with the fact that your material is placed on this site, please, email us, we will within 1-2 business days delete him.