WWW.SA.I-PDF.INFO
FREE ELECTRONIC LIBRARY - Abstracts, books, theses
 
<< HOME
CONTACTS



Pages:     | 1 |   ...   | 11 | 12 || 14 | 15 |   ...   | 16 |

«Damian Grenfell, Mayra Walsh, Januario Soares, Sofie Anselmie, Annie Sloman, Victoria Stead no Anna Trembath ...»

-- [ Page 13 ] --

Edukasaun no Eleisaun Iha tinan 2005, tanba projetu governu nian atu halo ensinu relijiozu sai fakultativu, ierarkia aas Igreja Katólika nian iha TimorLeste aprezenta sira-nia instituisaun hanesan loos depozitáriu ba populasaun tomak nia terus durante okupasaun Indonézia. Iha kontestu ne’e, sira buka atu hafraku governu nia proposta hodi sujere katak grupu ne’ebé iha podér maka’as liu iha governu laran, katak ema sira ne’ebé fila hosi Mosambike iha Mari Alkatiri nia lideransa okos, la terus hamutuk ho povu tanba nune’e governu ne’e maupagadór (Silva 2007).

Ekonomia dádiva nian mós mak fó enkuadramentu ba buka votu durante Timor nia kampaña eleitorál 2007, durante ne’ebé terus sai nu’udar unidade valór ida, fonte ba lejitimidade polítika fundamentál. Buat ida komún ba kandidatu sira-nia hahalok iha kampaña laran mak referénsia beibeik kona-ba Timoroan sira- Frederica Rosa ho Raquela Rosa Belo fo benvindu ba partisipante sira nia terus no susar, iha tempu pasadu no prezente. Iha kontestu sira-ne’e, Timor-Leste mosu mai, liuliu, hanesan komunidade polítika ida terus nian. Hahalok teme beibeik terus iha kampaña laran la’o hamutuk ho ezijénsia ba rekoñesimentu loloos ne’ebé sei hatudu liuhosi votu sira. Iha kontestu ne’e, kandidatu sira buka atu objetifika sira-nia istória terus no susar, liuliu durante tempu okupasaun Indonézia, nu’udar kapitál simbólika ida ne’ebé hakonu sira ho dignidade, dignidade ne’ebé halo sira merese simu konfiansa no votu eleitór sira-nian.

Konkluzaun Parte boot ida hosi etnolojia sira ne’ebé prodús tiha ona konaba populasaun sira ne’ebé horik iha fronteira sosiál no polítika rai nian ne’ebé ohin ita hanaran Timor-Leste halosun importánsia Markito Cardoso ho Teresa de Jesus Fernandes sentrál hosi prinsípiu sira aliansa no resiprosidade nian ne’ebé define pupolasaun sira-nia moris (Fox 1980). Tuir perspetiva ne’e, buat sira ne’ebé sai hanesan guia ba disputa sira ne’ebé diskute tiha iha leten bele konsidera hanesan atualizasaun ba prinsípiu sira-ne. Iha prosesu ne’e, konfrontasaun sira atu hetan asesu ba estadu modernu nia instituisaun sira la’o tuir promosaun ba valór sira ne’ebé iha folin ba aldeia sira, hodi nune’e kria kondisaun atu iha nafatin atualizasaun ba prinsípiu sira ne’e. Maibé, fenómenu ida-ne’e la akontese lahó asaun kreativa. Tanba ne’e duni, senáriu sira ne’ebé mosu daudaun hosi hasoru malu entre moralidade moderna no étika resiprosidade iha Timor-Leste hanesan invensaun ida ne’ebé presiza analiza hela iha futuru.

Bibliografia Luis Roberto Cardoso de Oliveira, ‘Peut-on parler de violence sans agression morale ?’ ,Vibrant — Virtual Brazilian Anthropology, volume 4, no. 1, pp. 5-26, 2007. Available: http://www.vibrant.org.br/ portugues/artigosv4n1.htm#v4n1_oliveira ______ 2007a ‘Honneur, Dignité et Réciprocité’, in Alan Caillé.

org., La quête de reconnaissance :

nouveau phénomène social total, Paris, Éditions La Découverte, pp. 89-103.

Sara Gonzales Devant, ‘Displacement in the 2006 Dili Crisis: Dynamics of an ongoing conflict’.

RCS Working Paper no. 45, University of Oxford, 2008. Available: http://www.rsc.ox.ac.uk/PDFs/ RSCworkingpaper45.pdf A. Harrington, ‘Ethnicity, Violence and land and Property Disputes in Timor-Leste. East Timor Law Journal, 2007. Available: www.easttimorlawjournal.org/ARTICLES/2007etlj21Ethnicityviolencelandand PropertyDisputesinTimor-LesteAndrewHarrington.html Shepard Forman, ‘Descent, alliance, and Exchange Ideology among the Makassae of East Timor’, in James Fox, org., The Flow of Life: Essays in Eastern Indonesia, Harvard University Press Cambridge, 1980.

James Fox, ‘Introduction’, in James Fox, org., The Flow of Life: Essays in Eastern Indonesia, Harvard University Press Cambridge, 1980.

Kay Rala Xanana Gusmão 2006 Presidência da República. Gabinete do Presidente. Message to Nation on F-FDTL. Available: www.nautilus.org/~rmit/forum-reports/east-timor-military.html.

______. 2006a. Message by H.E. the President of the Republic 22 June 2006. Avaliable: http://www.themonthly.com.au/tm/files/xanana_speech.pdf International Crisis Group, ‘Resolving Timor-Leste Crisis’ Asia Report no. 120, 10 October 2006.

Available: http://www.reliefweb.int/library/documents/2006/icc-tls-10oct.

Andrew Macwilliam, ‘Houses of Resistance in East Timor: Structuring Sociality in the New Nation’, Anthropological Forum, vol. 15, no. 1, pp. 27-44, 2005.

José Mattoso, ‘A Dignidade. Konis Santana e a Resistência Timorense’, Lisboa: Temas e Debates, 2005.

Marcel Mauss, ‘Ensaio sobre a dádiva’, in Sociologia e antropologia Editora Pedagógica e Universitária Ltda, São Paulo,1974.

James Scambary, ‘Anatomy of a conflict: the 2006-2007 communal violence in East Timor’, Conflict, Security & Development, vol. 9, no. 2, 2009, pp. 265-288.

Kelly C. Silva. ‘A Bíblia como Constituição ou a Constituição como Bíblia?’, Horizontes Antropológicos, vol. 13, 2007, pp. 213-235. Available: http://www.scielo.br/pdf/ha/v13n27/v13n27a10.pdf ‘Rezisténsia nia Jerasaun Dahikus’: Reintegrasaun Antigu Kombatente nian ba Vida Sivil iha TimorLeste Jose Kai Lekke Sousa-Santos Prosesu harii nasaun ezersísiu ida ne’ebé eskluzivu tebetebes apezarde liafuan ‘prinsípiu partisipasaun nian’ ne’ebé ema uza dala barak maibé uza sala. Iha realidade, tendénsia ida mak membru komunidade internasionál sira-nia intensaun di’ak dala barak hamosu ambiente ida iha ne’ebé elementu balu hosi sosiedade Jose Kai Lekke Sousa-Santos foun sai izoladu tiha iha ninin. Iha kazu Timor-Leste nian, elementu sira-ne’e barakliu mak jerasaun dahikus funu-na’in sira ne’ebé uluk forma movimentu rezisténsia no luta armada hodi hasoru okupasaun Indonézia. Iha ne’e refere ba nu’udar ‘rezisténsia nia jerasaun dahikus’, surat ida-ne’e avansa argumentu katak fallansu atu reintegra no transforma elementu sira hosi grupu demográfiku joven ida-ne’e—barak ne’ebé destituidu, laiha servisu, no ladún iha edukasaun ida di’ak – mak fallansu boot maibé la imprevistu hosi prosesu tinan sanulu harii nasaun.





Fallansu atu reintegra rezisténsia nia jerasaun dahikus asuntu ida importante tebetebes ne’ebé mak sai problema nafatin, no iha senáriu aat liu, iha potensiál atu sai nafatin dinámika sentrál ida kona-ba instabilidade iha prosesu harii nasaun no ba reforma setór seguransa nian (SSR). Senáriu ida di’ak liu katak problema ne’e sei sai nafatin dezafiu sosio-ekonómiku fundamentál ida ba lider ohin no aban bainrua nian ne’ebé mak sei responsavel ba servisu importante tebetebes harii nasaun no estadu iha estadu halik idane’e. Surat ida-ne’e ezamina falta abordajen integradu ida kona-ba reintegrasaun no transformasaun ba rezisténsia formál no informál nia grupu antigu sira, hodi hamosu marjinalizasaun no destituisaun ba grupu demográfiku importante ida-ne’e. Surat ne’e sei halosun inisiativa uluk no ohin loron nian hosi estadu Timor-Leste no mós ajénsia internasionál sira atu reintegra fali ba sosiedade antigu kombatente sira ne’ebé estadu rekoñese tiha ona, nune’e mós movimentu rezisténsia nia membru sira ne’ebé seidauk iha rekoñesimentu ka la tama iha kategoria ida; no sei konsidera métodu sira ne’ebé bele uza karik atu transforma no envolve ho maneira pozitiva grupu demográfiku folin-boot ida-ne’e maski ho potensiál atu destabiliza.

Indivíduu no grupu barak ne’ebé refere ba iha ne’e nu’udar ‘rezisténsia nia jerasaun dahikus’ hetan reputasaun aat iha nivel internasionál nu’udar konsekuénsia hosi krize tinan 2006 nian.

Tema báziku ida iha surat ida-ne’e bele sumariza hosi liafuan figura importante ida nian ne’ebé husu ‘ami sira-ne’e eroi ne’ebé ema haluha tiha ona ka ami bandidos?’ Nia haktuir hodi dehan, ‘se sira kontinua bolu ami bandidos, mak ami sei hatudu bandidos ba sira’. Atitude ne’ebé forsa seguransa internasionál sira, Polísia Nasoins Unidas, no ONG internasionál balu dalaruma hatudu signifika katak hahalok deskuidadu hodi fó naran-aat ba antigu eroi sira hosi luta independénsia akontese nafatin, hodi nune’e hametin kultura marjinalizasaun nian.

Tinan Sanulu Liutiha Oras daudaun Timor-Leste hasoru hela situasaun difisil ida hanesan nasaun kuaze hotu-hotu ne’ebé foin sai hosi esperiénsia funu ka konflitu sivíl nian: oinsá mak estadu integra iha nasaun foun ema sira ne’ebé luta ka fó apoiu ativu ba luta ba independénsia nian no autodeterminasaun? Tinan sanulu ho inisiativa sira ne’ebé hetan jestaun ka tulun internasionál seidauk rezolve kestaun fundamentál idane’e, no keixa importante balu hosi grupu demográfiku ida-ne’e seidauk rezolve hotu. Joven barak ne’ebé luta ka ativu ba luta independénsia iha Timor-Leste—rezisténsia nia jerasaun dahikus—seidauk hetan rekoñesimentu no la tama ka la konsege partisipa tomak iha dezenvolvimentu ekonómiku, edukasionál no estadu nian hanesan ema sira seluk bele. Razaun mahuluk ba ida-ne’e mak trauma ne’ebé joven mane no feto sira hetan durante okupasaun Indonézia hosi tinan 1975 to’o 1999. Aleinde ida-ne’e, durante tinan sanulu hori loron referendu, opiniaun no solusaun sira ne’ebé mak nasaun, ajénsia umanitária no ONG internasionál barak ho intensaun di’ak favorese liu kona-ba oinsá atu harii infraestrutura seguransa nasionál nian95, falla atu konsidera didi’ak kompleksidade istórika no sosiokulturál iha Timor-Leste hafoin independénsia. Dolár rihun atus no oras servisu barak mak gasta tiha ba kestaun reforma setór seguransa nian nu’udar parte ida ba ezersísiu jerál harii nasaun nian— kestaun ne’ebé parte interesada internasionál sira konsidera importante tebetebes ba estabilidade demokrasia ida ne’ebé buras daudaun iha Timor-Leste. Surat ida-ne’e la defende solusaun jerál ida ba problema sira-ne’e hotu maibé buka tau matan ba buat ne’ebé Timor nia ONG sira be defende joven marjinalizadu no grupu deskontente sira foti hanesan asuntu xave ida ne’ebé seidauk tau matan ba no rezolve.

Marjinalizasaun no Destituisaun ba ‘Rezisténsia nia Jerasaun Dahikus’ Buat ne’ebé dezigna iha ne’e hanesan ‘rezisténsia nia jerasaun dahikus’ mak kakahur halik ida ne’ebé inklui joven eis-kombatente FALINTIL nian, grupu arte rituál no seita semi-relijioza sira, sosiedade sekreta sira no grupu juventude klandestina ne’ebé tama iha organizasaun arte marsiál nia-sira estrutura. Uluk sira hotu komponente importante rezisténsia no movimentu independénsia nian ne’ebé agora, liutiha tinan sanulu hosi loron referendu, kontinua hasoru nafatin problema kona-ba identidade kulturál no nasionál, trauma boot, lalakon hosi la hala’o ona papél importante iha sosiedade, no sentimentu fundamentál ida katak sira la pertense ba sosiedade sivíl baibain. Marjinalisaun badaudaun jerasaun dahikus rezisténsia nian hosi prosesu harii nasaun ne’ebé la’o daudaun iha Timor-Leste hori tinan 1999 reflete fallansu ida atu rekoñese no tau matan tebes ba papél istóriku ne’ebé joven Timoroan barak hala’o ba luta independénsia nian, no ameasa atu hamihis esforsu kontemporáneu atu harii estadu. Problema kona-ba marjinalizasaun no destituisaun la kona de’it ema sira iha kategoria partikulár ida-ne’e, maibé, inkluzaun sosiál ba rezisténsia nia jerasaun dahikus—hodi ne’e ha’u hakarak dehan sira-nia partisipasaun la’ós de’it reprezentasaun—mak preokupasaun boot tebetebes iha kontestu reforma setór seguransa nian no mós dezenvolvimentu nasionál.

Konsekuénsia importante ida hosi okupasaun ne’ebé seidauk rezolve maka trauma jerál ne’ebé ema sira envolve an direta ka indiretamente iha luta independénsia hetan. Perturbasaun pos-estrese traumátiku maka’as ne’ebé la hetan tratamentu rezulta tiha ba elementu balu hetan dezvantajen, 95 Ida no foufoun no influensiál liu mak hosi King’s College of London, ‘Independent Study of Security Force Options and Security Sector Reform for East Timor,’ The Centre for Defence Studies, King’s College, London, September 2000. Atu haree apresiasaun krítika ida foin daudaun nian kona-ba inisiativa sira ba setór, haree International Crisis Group, ‘TimorLeste: Security Sector Reform,’ Crisis Group Asia Report, no. 143, 17 January 2008.

enkuantu katak grupu demográfiku juventude nian ne’ebé la envolve an ba luta independénsia konsege hala’o moris ida maizumenus normál, porezemplu, ho oportunidade ba edukasaun, servisu no kuidadu saúde nian. Asesu ba oportunidade sira-ne’e habele grupu demográfiku ida-ne’e atu integra di’ak liu no lailais liu iha Timor-Leste independente hodi nune’e sira konsege supera nivel trauma balu. Sira ne’ebé laiha esperiénsia ka uitoan de’it kona-ba moris seluk ne’ebé la’ós ai-laran nian, no iha oportunidade mínimu atu dezenvolve sira-nia kapasidade liu funu guerrilla nian, distúrbiu sivíl, no provoka instabilidade durante okupasaun, oras daudaun lakon ho relasaun ba identidade, kapasidade, no fatin ho dalan ida tuir ne’ebé sira bele kontribui ba Timor-Leste ida ne’ebé oras daudaun independente tiha ona. Kuran oportunidade nian no sentidu ida katak sira la pertense, hamutuk ho perturbasaun pos-ertrese traumátiku, bele manifesta liuhosi resentimentu (laran-kanek) maka’as no posibilidade badaudaun katak grupu sira-ne’e sei sai hun ba instabilidade polítika no sivíl.

Joven mane no feto sira ne’ebé hala’o papél ida importante tebetebes iha tinan ikuikus luta independénsia nian oras daudaun sente marjinalizadu no diskriminadu hela tanba la hetan rekoñesimentu kona-ba sira-nia papél durante funu rezisténsia nian, no mós tanba lakon oportunidade ba edukasaun no prosperidade sosiál no ekonómika. Denominadór komún ida—no dalaruma fatór unifikadór ida—entre maioria indivíduu no elementu sira iha grupu sira-ne’e laran iha Timor-Leste urbanu no rurál tomak kuran oportunidade ne’ebé sira hasoru no sentidu maka’as ida katak sira la pertense. Grupu demográfiku boot liu iha Timor-Leste mak ita-nia juventude, no la’ós koinsidénsia katak kurakuran katoluk rua hosi joven Timoroan sira envolve diretamente ka halo parte ba grupu arte marsiál, arte rituál ka grupu dezkontente sira. Krize tinan 2006 nian hatudu potensiál ba volatilidade iha rezisténsia nia jerasaun dahikus nia leet, no hatudu ba kakahur maka’as fatór oioin—eis-kombatente sira ne’ebé la integradu no dalaruma traumatizadu, no populasaun ida ne’ebé joven ho bele sai militante. Parte interesada sira presiza komprende no hatudu interese boot ba senáriu infleksivel seguransa nian ida-ne’e, la’ós ko’alia aat ka marjinaliza liután. Grupu demográfiku ida-ne’e ne’ebé dala barak ema tauk, bele, no devia, sai Timor-Leste nia rekursu murak liu.

Inisiativa DDRR sira Dahuluk Apezarde esforsu inisiál ba programa dezarmamentu, dezmobilizasaun no reintegrasaun (DDRR), joven eis-FALINTIL barak sei kontinua moris nafatin iha sosiedade nia ninin (katak marjinalizadu). Liu 1000 eis-gerrilleiru FALINTIL liuhosi programa reintegrasaun, maibé rihun seluk tan la kontente nafatin ho sira-nia tratamentu no maneira oinsá harii ezérsitu foun.96 Iha tinan 2001, dezkontentamentu ne’e hamoris organizasaun veteranu balu no iha fulan Dezembru 2002 hamosu distúrbiu.97 Eis-gerrilleiru FALINTIL sira ho idade ki’ik liu 35 ne’ebé la kualifika atu konsidera hanesan veteranu tuir lejizlasaun governu atuál nian barakliu laiha edukasaun, kuran koñesimentu vokasionál no terus ho perturbasaun pos-estrese traumátiku. Porezemplu, sira ne’ebé la reintegra ba forsa defeza foun ka polísia—liuliu tanba nivel aas perturbasaun pos-estrese traumátiku no/ka kuran koñesimentu vokasionál, hanesan alfabetizasaun no numerasaun—limitadu atu simu servisu ki’ik sira iha estadu ida ne’ebé mak sira sakrifika an maka’as atu kria.



Pages:     | 1 |   ...   | 11 | 12 || 14 | 15 |   ...   | 16 |


Similar works:

«Shakespeare's Globe Research Bulletin Issue Number 25 May 2002 200 The 2001 Globe-to-Globe Season The Welcome Msomi Company Umabatha Elin Jeynes (Intern) Jessica Ryan General Editor of Globe-to-Globe Season (Globe Research) UMABATHA CONTENTS Dramatis Personae 2 Introduction 5 Spatial Signifiers 5 Language and Music 7 Role of Ritual 8 Rehearsals: 17 April 2001: Morning Rehearsal on stage 10 17 April 2001: Dress Rehearsal 10 17 April 2001: Afternoon Rehearsal on stage 10 Performances: Wednesday...»

«Biegajło, “A relevance-driven joke interpretation” |2 “From Which Position Should I Get This Joke?!” A Relevance-Driven Joke Interpretation: Naive Optimism, Cautious Optimism, Sophisticated Understanding? Magdalena Biegajło University of Warsaw, Warsaw, Poland Abstract Conversational humour and (canned)1 jokes have been widely acknowledged as an interesting area of scholarly investigations in relevance theory (RT; Sperber and Wilson (1986 [1995]; Wilson and Sperber 2002, 2004), to...»

«Imposing cognitive load to unmask prepared lies: A recurrent temporal pattern detection approach Valentino ZURLONIa,1, Barbara DIANA a, Massimiliano ELIAa and Luigi ANOLLI † a CESCOM (Centre for studies in Communication Sciences). University of MilanoBicocca Abstract. One of the most well-documented claims in the deception literature is that humans are poor detectors of deception. Such human fallibility is exacerbated by the complexity of both deception and human behavior. The aim of our...»

«Chapter Ten Testing Policies, Administration, and Security It is important to note that the information in this chapter applies to all state-required assessments, including ISTEP+, ECAs, IREAD-3, ISTAR, NAEP, and WIDA, unless otherwise noted. Section 1: Communication from the Indiana Department of Education Part A: DOE Online Part B: Test Coordinator Corner (in Learning Connection) Section 2: Indiana Department of Education (IDOE) Monitoring of School Corporations/Charter Schools/Accredited...»

«TM County Commissioners Association of Pennsylvania 2015 Annual Report The 2015 Annual Report of the County Commissioners Association of Pennsylvania featuring its leaders and its committees—highlighting county government’s accomplishments and CCAP’s continuing voice as the representative of county government in Pennsylvania. TM About CCAP FOUNDED T he County Commissioners Association of Pennsylvania (CCAP) was founded in 1886 and is an affiliate of the National Association of Counties...»

«CHAPTER 18 Exchange Rate Theories TOPICS TO BE COVERED The Asset Approach Sterilization Exchange Rates and the Trade Balance Overshooting Exchange Rates Currency Substitution The Role of News Foreign Exchange Market Microstructure KEY WORDS Perfect capital mobility Sterilized intervention Portfolio-balance approach Currency union 452 Chapter 18 — Exchange Rate Theories P rior to the monetary-approach emphasis of the 1970s, it was common to emphasize international trade flows as primary...»

«Orbital Maneuvering with Spinning Electrodynamic Tethers Jerome Pearson* and Eugene Levin† Star Technology and Research, Inc., Mount Pleasant, SC 29466 Joseph A. Carroll‡ Tether Applications, Inc., Chula Vista, CA 91913, USA and John C. Oldson§ Star Technology and Research, Inc., Mount Pleasant, SC 29466 Electrodynamic tethers produce low thrust through interaction of the electric current in the tether with the Earth’s magnetic field. The thrust is comparable with that of ion rockets and...»

«Accident UNUSUAL ACCIDENT MULTIPLE SURGERIES In Feb. 1991 I met with a freak accident which left me with a damaged TMJ, several cracked teeth, several damaged vertebrae in my cervical area, injury to my lower back and left knee. I underwent 4 lots of surgery between 1991 and 1993. The fifth was to be a major neuro surgery where a number of vertebrae would have to be fused. I declined the surgery. I was on a number of painkiller drugs which caused stomach ulcers and a bad reflux. I contracted...»

«13 “Names Can Wait”: The Misnaming of the South Asian Diaspora in Theory and Practice Amardeep Singh Lehigh University I love the word “desi.” It is so beautiful. I can go around saying it over and over again. I'm of the view that it is the best word to describe ourselves... We who use it do not hearken back to the “homeland” of the subcontinent, because we are generally not nationalistic in that sense. Our homeland is an imaginary one.... —Vijay Prashad, “Smashing the...»

«MINNESOTA STATE LOTTERY GAME PROCEDURES “MINNESOTA MILLIONAIRE CLUB” SCRATCH GAME NO. 958 ADOPTED: MAY 13, 2014 MINNESOTA STATE LOTTERY GAME PROCEDURES SCRATCH GAME NO. 958 1.0. Name of Game The name of Scratch Game No. 958 is MINNESOTA MILLIONAIRE CLUB. 1.1. Price of Scratch Ticket A. Tickets for Scratch Game No. 958 shall be fifty dollars ($50.00) per Ticket. B. A retailer may discount the sales price of a Ticket in this game if the reduction in price is part of a storewide discount...»

«Bladder Cancer Overview This overview is based on the more detailed information in our document, Bladder Cancer: Detailed Guide. What is bladder cancer? Cancer starts when cells in the body begin to grow out of control. Cells in nearly any part of the body can become cancer, and can spread to other areas of the body. To learn more about how cancers start and spread, see What Is Cancer? Bladder cancer starts in the bladder. To understand bladder cancer, it helps to know about the normal bladder...»

«Parish of Ashford Hill with Headley Diocese of Winchester Annual Report for the year ended 31st December 2014 Highlights of the year  New banner of St Peter for St Peter’s Church given and dedicated  New system of verging for funerals and weddings  High number of weddings at Ashford Hill church (8) and one at Headley  Graveyard plan and record for both churchyards being created  New choir for the parish launched  Increased community use of St Paul’s church for dances,...»





 
<<  HOME   |    CONTACTS
2017 www.sa.i-pdf.info - Abstracts, books, theses

Materials of this site are available for review, all rights belong to their respective owners.
If you do not agree with the fact that your material is placed on this site, please, email us, we will within 1-2 business days delete him.