WWW.SA.I-PDF.INFO
FREE ELECTRONIC LIBRARY - Abstracts, books, theses
 
<< HOME
CONTACTS



Pages:     | 1 |   ...   | 9 | 10 || 12 | 13 |   ...   | 16 |

«Damian Grenfell, Mayra Walsh, Januario Soares, Sofie Anselmie, Annie Sloman, Victoria Stead no Anna Trembath ...»

-- [ Page 11 ] --

Planu urbanu ne’ebé di’ak presiza injesaun husi lideransa ne’ebé hakarak hahú ho reorienta foku husi polítika kona-ba dezenvolvimentu urbanu nian. Liuhusi troka orientasaun husi dezenvolvimentu horizontál ba vertikál no reorganiza ba dalan ida ne’ebé presiza kolaborasaun entre ministériu sira iha Governu, ajénsia internasionál ba dezenvolvimentu, sosiedade sivíl no setór privadu. No ne’e tenke halo ho kometimentu, valór xave sira hanesan igualdade distribuisaun no abordajen ida be sustentavel.

Papél individuál no lideransa institusionál konserteza importante iha estabelese ajenda ba dezenvolve polítika dezenvolvimentu urbanu no buka hetan apoiu hotu atu garante ninia implementasaun.

Polítika nasionál ida kona-ba uma mak xave atu garante katak iha estratéjia nasionál ida ne’ebé planeadu no programátiku atu garante katak ema ida-idak ka família bele hetan asesu ba uma adekuadu ida. Vizaun jerál katak polítika ida kona-ba planu urbanu Lansamentu Universidade RMIT nia relatoriu, no kona-ba uma mak xave atubele hakonu objetivu Millenium ‘Komprende Komunidade’ Development Goals (MDGs) no planu dezenvolvimentu nasionál.

Vizaun komún ne’e mak sai hanesan dalan husi polítika orsamentál komunidade internasionál nian ba Timor-Leste. Komunidade internasionál, liuhusi ajénsia ONU sira no fundu kooperasaun sira, apoiu finanseiru ba Timor-Leste ba objetivu dezenvolvimentu rurál no baibain tau ba konsiderasaun katak dezenvolvimentu rurál iha Timor-Leste tenke hakonu objetivu MDGs.

Atu remata, presiza enfaze katak vizaun ba oin mak dezenvolvimentu rurál tenke la’o iha tempu ne’ebé hanesan ho dezenvolvimentu, ikusliu kona-ba desentralizasaun podér no responsabilidade administrativa nian. Nune’e, uma tenke sai hanesan ajenda prioritária ida ne’ebé Governu presiza integra iha servisu setór husi administrasaun munisípiu nian. Observa mós Aprezentasaun husi Dinorah S. X. Granadeiro esforsu hotu ne’ebé Governu foti atubele hamenus kiak. Maski nune’e, durante ne’e laiha polítika no programa integradu kona-ba dezenvolvimentu rurál, durante laiha polítika kona-ba seguransa alimentár liuliu enfaze iha hasa’e kualidade no kuantidade variedade produtu lokál, no laiha polítika nasionál ida kona-ba uma. Se Governu la tau matan ba buat hirak ne’e Timor-Leste sei kontinua la’o iha dalan ba dezenvolvimentu ida ne’ebé laiha serteza kona-ba nia finalidade.

Bibliografia International Crisis Group, Timor-Leste’s Displacement Crisis, Asia Report no.148, 31 March 2008.

Minister of Planning and Finance, Overview of Sector Investment Programs, Timor-Leste, April 2005.

Problema Estrada iha Distritu Manufahi Domingos Rodrigues, Manufahi Iha distriktu Manufahi iha problema boot ho estrada tanba maioria aat no susar atu uza. Problema estrada iha distritu Manufahi afeta ba: susar atu ba lailais fatin ne’ebé dook, susar atu hetan asesu di’ak ba transporte públiku, komunidade sira uza tempu ne’ebé naruk lori la’o ba fatin no dalaruma tenke toba iha dalan. Buat hirak ne’e iha impaktu ba ekonomia, edukasaun, saúde, seguransa no dezenvolvimentu iha distriktu Manufahi.

Problema estrada halo komunidade susar atu asesu ba Domingos Rodrigues merkadoria. Komunidade sira iha foho ka suku susar atu lori produtu lokál ba lailais merkadu ne’ebé iha distritu no Dili.

Komunidade barak iha Distritu, liuliu iha área rurál, iha poténsia oin-oin ne’ebé sempre fó rendimentu di’ak kada tinan-tinan. Maibé tanba problema infraestrutura, liuliu estrada aat, komunidade sira susar atu asesu ba merkadoria. Produtu lokál ne’ebé tinan-tinan iha, nia folin merkadoria laiha. Ida ne’e impaktu husi iha área rurál labele lori produtu ba merkadu tanba laiha asesu di’ak ba transporte.

Saúde mós sai tiha problema boot husi dalan ne’ebé ladi’ak.

Ne’e halo ema susar atu lori moras emerjénsia ba lailais iha sentru saúde. Difisil atu atende ema ne’ebé moras, no feto sira bainhira atu partu. Susar duni atu asesu ba klínika ou sentru saúde ne’ebé iha. Rezultadu mak ema barak liu mate.

Problema seluk ne’ebé mosu husi estrada aat ba sira ne’ebé hela iha área rurál mak difisil ba kompañia sira atu foti konkursu ka atu asesu ba prosesu konstrusaun foun. Entaun ne’e impaktu ba konstrusaun ba edifísiu eskola, klínika, sede suku no asesu ba bee moos. Buat sira ne’e la la’o. Problema estrada ne’ebé iha efeitu mós ba sirkulasaun transporte sira ne’ebé atu asesu ba prosesu dezenvolvimentu sira-ne’e. Esperiénsia hatudu ona katak iha suku balun iha distritu Manufahi, prosesu dezenvolvimentu no konstrusaun hanesan ne’e sei labele realiza tanba problema insfraestrutura, liuliu estrada. Problema sira-ne’e akontese iha suku hanesan: suku Taitudak-Manus, suku Aituha, suku Orana, suku Mindeilu, suku Grotu, suku Bubususu no suku Fahinehan.

Porezemplu, tinan liubá iha problema akontese ho edifísiu sede suku iha territóriu distritu Manufahi laran tomak tanba laiha movimentu transporte. No mós bainhira komunidade sira iha baze atu hetan asesu di’ak ba bee moos iha suku laran, difisil ba sira atu lori kanalizasaun husi estrada ba suku. Tanba ne’e komunidade sira uza rasik sira-nia forsa hodi lalin sasán todan sira-ne’e.

Estrada ne’ebé aat, hanesan ponte ne’ebé labele uza ona, afeta mós ba edukasaun. Tinan-tinan sempre iha kazu mota boot lori labarik bainhira labarik sira ba eskola tanba ponte laiha, ka aat ona. Bainhira mota boot, inan-aman sira ne’ebé hela iha foho mós labele lori hahán ba oan sira tanba laiha ponte.





Ikusliu, bainhira ita haree aspetu seguransa, ida-ne’e mós sai ameasa boot husi estrada ne’ebé aat. Kuandu iha problema iha suku laran hanesan ema baku-malu, sunu uma, susar ba polísia atu ba lailais iha fatin akontesimentu.

Husi buat hirak ne’e ita bele haree katak kondisaun estrada fó impaktu oin-oin ba komunidade nia moris loron-loron iha área rurá sira. Ba ema balun karik problema hanesan estrada problema ki’ik ida.

Maibé ba ema ne’ebé hela duni iha fatin sira-ne’e, asuntu ida-ne’e boot tebetebes. Haree husi parte dezenvolvimentu fíziku, liuliu estrada iha área remota ka suku sira jeralmente, estadu Timor-Leste tenke tau matan atubele halo dezenvolvimentu ne’ebé di’ak liután liuliu iha área rurál.

Tuir ha’u-nia haree tema foti iha konferénsia ne’e importante no relevante iha situasaun TimorLeste. Tema ne’ebé foti atu fó hanoin filafali ami Timoroan. Hahú husi governu, sosiedade sivíl no komunidade tomak iha Timor-Leste hodi halo revizaun no haree filafali saida maka la’o ona ba oin no saida maka la la’o, no reflete kona-ba benefísiu no dezafiu sira. Ha’u mós haree konferénsia envolve ema hotu husi distritu 13 atu sai aprezentadár/panelista no partisipante. Ha’u-nia haree sistema ne’ebé uza ne’e di’ak tebes, tanba ho hanoin atu promove ami sira hotu husi distritu no subdistritu. Konferénsia iha Timor-Leste hala’o dala barak ona ho tema oin-oin, maibé bainhira ha’u partisipa ha’u haree partisipante barak husi ema Dili, no panelista sira ne’e mós husi Dili (nasionál) no internasionál. Maibé konferénsia ida–ne’e mak, husi ha’u-nia hanoin, akontese primeira vez iha Timor-Leste, atu bele envolve ami husi distritu sai panelista ou aprezentadór. Iha konferénsia ne’e mós fó benefísiu boot mai ami Timor-Leste oan tomak, governu, sosiedade sivíl hamutuk ho ajénsia internasionál atu haree situasaun Timor-Leste nian ba oin. Hanesan ita hotu rona iha konferénsia ida-ne’e nia laran, perguntas ne’ebé ita hetan husi partisipantes sira katak ba oin governu tenke hadi’a sistema no mekanizmu atu nune’e ema hotu bele haree-hetan buat ne’ebé di’ak no loos. Konferénsia ida-ne’e loke dalan ba ema hotu atu partisipa no dezenvolve hodi kontribui iha prosesu harii nasaun. Iha konferénsia ida-ne’e mós hanesan dalan ida hodi hatudu mai ami oinsá atu dezenvolve hodi harii nasaun iha Timor-Leste urbanu no rurál.

Ha’u hanesan aprezentadora ne’ebé prepara no simu korajen husi Universidade RMIT hamutuk ho FONGTIL hodi ha’u sai duni panelista iha konferénsia ne’e. Ha’u hanoin katak ha’u labele sai aprezentadora iha konferénsia ne’e. Bainhira ha’u atu sa’e ba iha meza plenária ha’u sente hanesan ta’uk. Maibé ha’u bele, no ha’u lori plenária ne’e to’o rohan. Ha’u konsege fó resposta ba partisipante sira-nia pergunta tuir koñesimentu no kapasidade ne’ebé ha’u iha, ne’e hatudu katak ha’u bele.

Ha’u reflete filafali ba iha partisipante sira katak ha’u hetan maluk barak, maluk sira-ne’e mai husi distritu seluk hanesan husi distritu Dili, Aileu, Ainaru, Bobonaru, Baukau, Likisa, Lospalos, Vikeke, Suai, Same, Oekusi no Ermera. Husi distritu Manatutu ha’u mesak de’it. Ha’u sente triste tanba to’o ohin loron ami iha distritu Manatutu seidauk prontu atu la’o ba oin hodi bele dezenvolve sira-nia an hodi partisipa iha prosesu harii nasaun. Bazeia ba razaun ho kondisaun sira hanesan ne’e maka ha’u lori komunidade, liuliu feto maluk sira iha distritu Manatutu nia naran. Ha’u husu ba ita boot sira atu la’o to’o iha ami-nia hela-fatin atu bele fó motivasaun no korajen atu ami bele prepara an, atu ami mós bele la’o ba oin hamutuk ho ami-nia maluk sira seluk hodi partisipa no kontribui iha prosesu harii nasaun.

Ha’u iha esperansa katak iha futuru bele hetan oportunidade atu ba iha komunidade internasionál atu ami bele hato’o ba komunidade internasionál kona-ba ami-nia perspetiva harii nasaun. Ha’unia esperansa mós katak ba futuru sosiedade sivíl sei metin nafatin hamutuk ho komunidade internasionál hodi koopera hamutuk ho governu RDTL hadi’a dezafiu sira ne’ebé ita hasoru ohin loron.

Eugenia Neves da Costa, Manatutu

Reforma Governu Lokál iha Timor-Leste:

Dezáfiu kona-ba Kapasitasaun Demokrátika no Governasaun Di’ak Dennis Shoesmith75 Timor-Leste nia governu introdús lei sira iha tinan 2009 ne’ebé iha intensaun atu desentraliza neineik servisu públiku oioin ne’ebé oras daudaun kontroladu hosi sistema estadu nian ida ne’ebé sentralizadu tebetebes.76 Distritu no subdistritu sira ne’ebé iha sei troka fali ho munisípiu sira ho nivel ida de’it ho ukun hosi asembleia munisipál no prezidente-kámara, pozisaun ezekutiva foun ida. Iha Dennis Shoesmith suku nia nivel, lei sira muda kompozisaun no responsabilidade konsellu-suku nian no mós eleisaun no knaar xefe-suku nian.

Reforma governu lokál nian importante tebetebes atu harii konsensu demokrátiku iha Timor-Leste. Envolvimentu demokrátiku iha governasaun lokál la’ós de’it buat ida di’ak; maibé iha TimorLeste nia kazu, bele esensiál ba viabilidade estadu nian.

Hanesan krize polítika tinan 2006 nian hatudu, Timor-Leste estadu ida frájil, no iha potensiál atu sai estadu falladu ida. Tanba klaru katak lideransa nasionál laiha kapasidade atu impoin orden polítika liuhosi uza forsa, governu tenke depende ba konsensu demokrátiku. Evidénsia hatudu katak konsensu ne’e seidauk iha.

Buat ne’ebé Joel S. Midgal hanaran ’solidariedade normativa’— indentifikasaun povu nian ho komunidade nasionál ida77—seidauk dezenvolve iha Timor-Leste. Komunidade lokál sira fahe maka’as tuir sira-nia persesaun kona-ba lejitimidade governu atuál nian.

Programa desentralizasaun ida ho susesu ne’ebé envolve tebes desizaun nivel lokál nian no hafó servisu públiku ne’ebé ema presiza tebetebes bele ajuda maka’as harii ‘solidariedade normativa’; programa ida ne’ebé laiha susesu sei halo fraku liután.

Surat ida-ne’e hafó avaliasaun preliminár ida kona-ba oportunidade 75 Dennis Shoesmith nu’udar Associate Profesór Polítika nian iha Charles Darwin University. Nia servisu ona iha Timor-Leste nu’udar konselleiru ba Nasoens Unidas (2000-2001) no ba USAID (2004) no hala’o servisu nu’udar asesór okazional ba Ministériu Negósius Estranjeirus no Kooperasaun iha tinan 2005Ninia peskiza atuál kona-ba governasaun demokrátika no reforma polítika iha Timor-Leste.

76 Maski frajil, estadu sentralizadu tebetebes. Tuir modelu konstitusionál ne’ebé adapta hosi Portugál, sistema eleitoradu nasionál ida de’it lahó eleitoradu lokál ladún fó motivasaun ba membru parlamentu sira atu sai responsabiliza an ba nesesidade sira ne’ebé espesífiku. Atividade governu nian konsentra liu iha kapitál, Dili. Adosaun lia-Portugés nu’udar lian ofisiál haketak populasaun ida ne’ebé la komprende lia-Portugés.

77 Joel S. Migdal, State in Society: Studying How States and Societies Transform and Constitute One Another, Cambridge, Cambridge University Press, 2001, p. 5.

78 Estudu resente ida konfirma katak seidauk estabelese konsensu demokrátiku ida iha Timor-Leste. Maioria boot iha distritu loromonu sira iha ne’ebé apoiante AMP nian barakliu rekoñese governu nia lejitimidade; enkuantu katak maioria boot iha distritu lorosa’e sira, iha fatin ne’ebé Fretilin hetan apoiu, nega governu nia lejitimidade. Daisaku Higashi, The Challenge of Constructing Legitimacy in Peacebuilding: Case of Timor-Leste, Centre of International Relations Working Paper no.48, March 2009.

no risku sira hosi modelu desentralizasaun ne’ebé hatuur iha lei no reforma sira ne’ebé atu introdús hahú hosi eleisaun suku nian iha fulan Outubru 2009 no eleisaun munisipál haat dahuluk iha fulan Dezembru.

Istoriál ba Reforma sira Reforma governu lokál iha Timor-Leste mosu hosi rekizitu konstitusionál kona-ba administrasaun públika nia desentralizasaun. Ne’e prinsípiu fundamentál ida ne’ebé hatuur iha Konstituisaun, no nia rekoñese nesesidade atu ultrapasa limite sira hosi sistema estadu nian ne’ebé sentralizadu liu maibé ho kapasidade ki’ik hodi hatán ba nesesidade lokál ne’ebé to oras daudaun la hetan atensaun. Governu Fretilin ne’ebé Primeiru Ministru Mari Alkatiri lidera no mós nia susesór, Aliansa Maioria Parlamentár ne’ebé Primeiru Ministru Xanana Gusmão lidera rekoñese importánsia hosi reforma governu lokál nian. Ba buat ne’e sira hetan enkorajamentu maka’as hosi ajénsia internasionál dezenvolvimentu nian, no modelu atuál ba reforma governu lokál nian hanesan rezultadu hosi rarosan entre Governu Timor-Leste, Governu Noruega, Irish Aid, UNCDF, no mós UNDP. Maibé, atu envolve komunidade lokál sira iha governu lokál demokrátiku dezafiu boot ida, no hori loron independénsia iha tinan 2002 lider polítiku sira susar atu estabelese la’ós de’it demokrasia ida ne’ebé la’o didi’ak maibé mós estadu ida ne’ebé la’o didi’ak.79 Doadór internasionál sira-nia tentativa atu salva Timor-Leste labele sai Pergunta husi ema públiku estadu falladu ida foka liu ba harii filafali estadu nia instituisaun sentrál sira hanesan parlamentu nasionál no ministériu sira, sistema judisiáriu no polísia nasionál.80 Nune’e mós, iha preokupasaun internasionál paralela atu promove governasaun demokrátika.

Buat ne’e envolve tiha programa sira hanesan projetu hametin demokrasia parlamentár ne’ebé UNDP hala’o.81 Iha kontestu ne’e, reforma governu lokál nian ne’ebé implementa iha tinan 2009 hatudu tentativa ida atu haloos preokupasaun ho sentru, no atu rekoñese papél importante tebetebes ‘periferia’(ninin) nian ba prosesu harii estadu.

79 Rai ne’e hasoru tiha ona krize polítika, inklui kazu ameasadór kona-ba revolta armada, atentadu hasoru prezidente no primeiru ministru sira-nia vida, no konflitu violentu iha komunidade nia leet. Ho buat sira-ne’e, Timoroan sira sujeita an ba padraun violénsia nian no hahú la’o dalan ba estadu falladu hanesan akontese tiha ona ba kuaze metade hosi mundu nia estadu foun Aprezentasaun hotu-hotu iha tradusaun dala ida pos-konflitu sira. Haree Paul Collier, Anke Hoeffler and Måns Söderbom, PostConflict Risk, Centre for the Study of African Economies, Oxford, 2006 and Paul Collier and Nicholas Sambanis, Understanding Civil War: Evidence and Analysis, World Bank, Washington, 2005.

80 Buat ne’e Andre Rosser haksesuk tiha iha, ‘Rebuilding Governance in Failed States: The Case of Timor-Leste’, in Wil Hout and Richard Robison, eds, Governance and the Depoliticisation of Development, London and New York, Routledge, 2009, pp. 169-172.

81 United Nations Development Programme, Strengthening Parliamentary Democracy in Timor-Leste, Project Document, Dili, UNDP, 2006.



Pages:     | 1 |   ...   | 9 | 10 || 12 | 13 |   ...   | 16 |


Similar works:

«Trinitarian Congregational Church (Wayland, MA) 2014 Spring Confirmation Class Testimonies Ian Armstrong Although my parents have always brought me to church, I didn’t really understand much about Jesus or pay much attention to the Bible until I started middle school. When I was starting 6th grade, I was able to begin attending the youth worship services. At this time, I moved from elementary to middle school and I found it stressful learning my way around a new school and the added homework...»

«UNITED STATES DISTRICT COURT FOR THE EASTERN DISTRICT OF WISCONSIN UNITED STATES SECURITIES ) AND EXCHANGE COMMISSION, ) ) Plaintiff, ) ) v. Civil Action No.: ) ) Jury Trial Demanded SUJATA SACHDEVA, AND ) JULIE MULVANEY, ) ) Defendants. ) COMPLAINT Plaintiff, the United States Securities and Exchange Commission (the Commission), alleges the following against Defendants Sujata Sachdeva (Sachdeva) and Julie Mulvaney (Mulvaney): SUMMARY 1. This case involves wide-ranging fraud committed by senior...»

«Consumer Sharing of Viral Video Advertisements: A Look into Message and Creative Strategy Typologies and Emotional Content Blaise Jenkins A Capstone Project Presented to The Faculty of the School of Communication In Partial Fulfillment of the Requirements for the Degree of Masters of Arts in Public Communication Supervisor: Prof. Lauren Feldman April 21, 2011 Jenkins 2 ACKNOWLEDGEMENT This Capstone would not have been possible without the guidance and the help of Professor of Public...»

«Accreting millisecond X-ray pulsars, from accretion disk to magnetic poles ACADEMISCH PROEFSCHRIFT ter verkrijging van de graad van doctor aan de Universiteit van Amsterdam op gezag van de Rector Magnificus prof. dr. D. C. van den Boom ten overstaan van een door het college voor promoties ingestelde commissie, in het openbaar te verdedigen in de Agnietenkapel op dinsdag 9 juni 2009, te 10:00 uur door Alessandro Patruno geboren te Bisceglie, Itali¨ e Promotiecommissie: Promotor: Prof. dr. M....»

«Sermon #3029 Metropolitan Tabernacle Pulpit 1 GOD’S TENDER MERCY NO. 3029 A SERMON PUBLISHED ON THURSDAY, FEBRUARY 28, 1907. DELIVERED BY C. H. SPURGEON, AT THE METROPOLITAN TABERNACLE, NEWINGTON. ON LORD’S-DAY EVENING, MAY 23, 1869. “The tender mercy of our God.” Luke 1:78. IT was a proof of great tenderness, on God’s part, to think of His sinful creature, man, at all. When the created one had willfully set himself in opposition to his Creator, that Creator might at once have...»

«Overvågning og kontrol af tilsætningsstoffer Undersøgelse af svovldioxid i fødevarer Rapport udarbejdet af Bjørn Schmidt og Steffen Nielsen, Fødevareregion Øst Projektledelse: Niels Fabricius, Danmarks Fødevareforskning Ib Krog Larsen, Fødevareregion Øst Laboratoriearbejde: Åse Johansen Lene Kristensen Anne Bjørn Rasmussen Hanne Rubak Overvågning og kontrol af tilsætningsstoffer Undersøgelse af svovldioxid i fødevarer Projekt 2003-20-64-00231 FødevareRapport 2007:04 1. udgave,...»

«WETLANDS EVALUATION Wisconsin Department of Transportation Factor Sheet C-1 Alternative Total Length of Center Line of Existing Roadway Length of This Alternative Preferred Yes No None identified See FDM Procedure 21-25-20, FHWA Wetland Reports http://dotnet/fdm/21/21-25-20.pdf. See FDM Procedure 24-5-10 for general guidance htpp://dotnet.fdm/24/24-5-10.pdf. DNR concurrence letters generally indicate only if there are or are not mapped wetlands in the project area. These are wetlands that have...»

«Mersin Üniversitesi Eğitim Fakültesi Dergisi Mersin University Journal of the Faculty of Education Yıkıcı Liderlik Destructive Leadership Yüksel GÜNDÜZ*, Senem Ezgi DEDEKORKUT** Özet: Bu çalışma ile örgüt, lider, çalışanlar ve onların aileleri için ciddi bir sorun olan yıkıcı liderlik ile ilgili Türkiye’de var olan kuramsal boşluğun doldurulması ve buna ilişkin alan çalışmalarına yardımcı olunması hedeflenmektedir. Bu bağlamda yapılan çalışmada...»

«Lung Cancer (Non-Small Cell) Overview The information that follows is an overview of this type of cancer. It is based on the more detailed information in our document Lung Cancer (Non-Small Cell). This document and other information can be obtained by calling 1-800-227-2345 or visiting our website www.cancer.org. What is non-small cell lung cancer? Note: This document covers only the non-small cell type of lung cancer. The treatment for the 2 main types of lung cancer (small cell and non-small...»

«GROWING UP IN SCOTLAND: Overweight, obesity and activity GROWING UP IN SCOTLAND: Overweight, obesity and activity © Crown copyright 2012 You may re-use this information (excluding logos and images) free of charge in any format or medium, under the terms of the Open Government Licence. To view this licence, visit http://www.nationalarchives.gov.uk/doc/open-government-licence/ or e-mail: psi@nationalarchives.gsi.gov.uk. Where we have identified any third party copyright information you will...»

«DISCIPLINE COMMITTEE OF THE COLLEGE OF NURSES OF ONTARIO PANEL: Michael Hogard, RPN Chairperson Susannah Handley, RN Member Megan Sloan, RPN Member Margaret Tuomi Public Member Mary MacMillan-Gilkinson Public Member BETWEEN: COLLEGE OF NURSES OF ONTARIO ) JEAN-CLAUDE KILLEY for ) College of Nurses of Ontario ) and ) ) ) ELIZABETH BRANTON ) NO REPRESENTATION for Registration No. HI06356 ) Elizabeth Branton ) ) ) LUISA RITACCA ) Independent Legal Counsel ) ) ) Heard: October 18, 2013 DECISION AND...»

«Space Environmental Effects on Coated Tether Materials Keith A. Gittemeier’ and Clark W. Hawk, PhD.’ University of Alabama in Huntsville, Huntsville, AL, 35899 Miria M.Finckenor3 NASA -Marshall Space Flight Center, Huntsville, AL, 35812 Ed Watts4 Qualis COT, Huntsville, AL, 35805 The University of Alabama in Huntsville’s Propulsion Research Center has teamed with NASA’s Marshall Space Flight Center (MSFC) to research the effects of atomic oxygen (AO) bombardment on coated tether...»





 
<<  HOME   |    CONTACTS
2017 www.sa.i-pdf.info - Abstracts, books, theses

Materials of this site are available for review, all rights belong to their respective owners.
If you do not agree with the fact that your material is placed on this site, please, email us, we will within 1-2 business days delete him.