WWW.SA.I-PDF.INFO
FREE ELECTRONIC LIBRARY - Abstracts, books, theses
 
<< HOME
CONTACTS



Pages:     | 1 | 2 ||

«SCHWEIZER MUNDART-ÜBERSETZUNGEN der Weihnachtsgeschichte Aargauerdütsch Gottes Sohn chonnt of d Wäut I dere Zit het de Keiser Auguschtus befohle das ...»

-- [ Page 3 ] --

Und plötzlich isch bim Engel äs ganzäs Heer vo Engel gsi, all die vilä, wo Gott im Himmel diänät, und die händ gruäfä: „Gross isch vo jetzt ah Gottes Herrlichkeit im Himmel, denn sin Fridä isch ufd Erde zudä Menschä woner erwählt hät und liebt abecho.“ Nochdem dEngel in Himmel zruggkehrt sind, händ d Hirte zunänand gseit: „Chum, mir gönd uf Bethlehem und lueget, wa do passiert isch, wa Gott üs bekanntgmacht hät!“ Si sind zum Stall cho und händ dMaria und dä Joseph gfundä, und bi ihne sChind idä Fuetterchrippe.

Wo si da gseh händ, händs väzellt, wa dä Engel vo dem Chind gseit hät. Und ali, wo däbi gsi sind, händ gstuunt wa dHirte ihne väzellt händ. D Maria aber hät aläs, wo si ghört hät, i ihräm Härz bhalte und immer wider drüber nodenkt.

D Hirte sind zu ihrnä Herde zruggkehrt und händ Gott prisä und ihm dankt, für da, wo si ghört und gseh händ. Es isch alles genauso gsi, wies ihnä dä Engel vächundigät hät.

Text übertragen aus Lukas 2 von Céline Boppart, Engelburg D’Wienachtsgschicht im Dialäkt vo Schlaate im Kanton Schaffuuse I säbere Ziit hät de Keiser Augustus de Befääl ärloo, i sim ganze Riich e Volkszelling durezfüere.

Di sälb Erfassing, die erscht i ire Art, hät stattgfunde, wo de Quirinius Stadthalter z’Sürie gsii isch.

Jede isch gange zum ärfasst wärde, jede i siini Haametstadt.

Will de Josef en Nòòchkomme vom David gsii isch, isch är vo Nazaret z’Galiäa ue gange id Stadt Davids, z’Judaa, wo me Betlehem ghaasse hät, zum sich erfasse z’loo, zeme mit der Maria, wo siini Verlobti gsii isch und wo schwanger gsii isch.

Wäred si dei gsii sind, isch d’Ziit choo, wo si het söle gebääre und si hät ire erscht Chind, en Bueb, uf d’Wält pròòcht.

Si hät en ine Tuech iigwicklet und ine Chrippe glaat, wil für si kan Platz gsii isch i der Härbäärg.

I säbere Geged sind e par Hirte uf em Fäld gsii, wo iri Häärde bewacht hand, wo ine en Engel ärschine isch und d’Härrlichkeit Gòttes si umgee und aagstraalet hät.

Si sind z’Tood verschrocke, aber den Engel hät gsaat: “Hand ka Angscht, denn ich bi dòò zum eu e Nòchricht z’verkünde, wo allne Mensche Freud mache wüürt. Grad hüt isch i der Stadt Davids en Ärretter geboore, de Messias, de Härr. Und da würt de Bewiis sii, dan ir e Chind finded, wo imene Tuech iigwicklet isch und inere Chrippe liit”.

Plötzli isch um de Engel e riisigi Heerschaar vom Himmel gsii, wo Gòtt eso globt hand: “Ehr sei Gòtt im höchschte Himmel und uf der Ärde Fride under de Mensche, wo voll guete Wille sind”.

D’Engel sind erscht drò in Himmel zrugg, wo d’Hirte zonenand gsaat hand: “Lond üüs uf Betlehem goo zum da aaluege, wa gschää isch wo de Härr üüs gsaat hät”.

Gschnäll sinds ai gange und hand d’Maria, de Josef und s’Chind gfunde, wo inere Chrippe gläge isch.

Wo si da gsää hand, hands überall verzellt, wa si vo dem Chind vernoo hand. Und alli, wo da ghöört hand, sind über da, wa d’Hirte gsaat hand, verwunderet gsii.

Aber d’Maria hät all die Wòrt is Härz iigschlòsse und hät drüber nòò tenkt.

Mittlerwiile sind d’Hirte zrugg keert und hand Gòtt über allem gloobt, wa si ghört und gsää hand. Es isch alles eso gsii, wie me ine verzellt hät.

Väärs nüünedriissg bis vierzg:

Wo de Josef und d’Maria alles to hand, wa d’Tooraa vo Gòtt verlangt hät, sind si uf Galiläa i iri Statt Nazaret haam ggange. S’Chind isch gwachse und isch schtarch und mit Wiisheit ärfüllt wòrde, d’Gnaad Gòttes isch uf im gläge.

Es isch iezed uugfäär Mittag gsii und e Fiischternis hät s’ganz Land zueteckt bis gäg di drei am Nòmittag – d’Sunne hät numme gschune.

Au isch de Vòrhang, wo de heilig Beriich im Tempel abgrenzt hät, mittenabenand grisse. Dò hät Jesus luut ufgschraue und grüeft: “Vatter, i diini Hend übergib ich min Geischt”. Mit dene Wort isch är gschtòrbe.

Kapitel dreiezwanzg, Väärs aanefufzg:

Und wäred är si gsägnet hät, hät är sich vo ine zrugg zoge und isch in Himmel ue ärhòbe worde.

Tägscht übertraat vom gebürtige Schlaatemer Ernst Neck D'Wienechtsgschicht uf Soledurnerdütsch Dr Sohn Gottes chunnt uf d'Wäut Dr Keiser Auguschtus hett i dere Zyt befohle, dass aui Bewohner vom Römische Riich mit ihrne Näme söue i Lischte Iitreit wärde. E serigi Voukszählig hett's no nie gäh. Si isch düregfüehrt worde wo dr Quirinius Gouverneur z'Syrie gsy isch. Jedi Person hett müesse i die Schtadt goh sech iiträge loh, i dere är gebürtig gsy isch. Wöu dr Josef vom David abgschtammt isch und dä z'Behtlehem gebore worden-isch, hett är von Nazareth in Galiläa uf Bethlehem in Judäa müesse reise. Är hett sech dört müesse lo iischriibe, zäme mit sinere junge Frau Maria, wo es Chindli erwartet het.

Wo si z'Bethlehem gsy si, hett d'Maria ihres erschte Chindli uf d'Wäut brocht, es isch es Büebli gsy. Si hett ne i Windle gwickelt und i ne Fuetterchrippe im Schtau gleit. Si hei drum im Wirtshuus kei Platz meh überchoh zum Übernachte. Uf em Fäud hei i dere Nacht es paar Hirte ihri Härde bewacht.

Blötzlech isch en Ängu vo Gott zu-n-e härechoh, und es isch ganz ganz häu umse-n-ume worde. Die Hirte si grüsli verschrocke, aber dr Ängu hett gseit: Heit ke Angscht, ig bringe Öich die gröschti Fröid wos git für aui Mönsche. Hütt isch nämlech i dere Schtadt, wo scho dr David gebore worden-isch, auch dr lang erwarteti Retter uf d'Wäut choh. Es isch dr Christus, dr Herr. Dir wärdet ne de scho erkönne, är liit i Windle gwicklet in ere Fuetterchrippe.





Uf einisch si die Hirte vo vüune Ängle umgäh gsy, und die hei Gott globt und prise: Gott im Himmu ghört aui Ehr, Är hett dr Friede uf d'Wäut brocht für aui Mönsche, wo dä Friede wei aanäh. Denn si die Ängu plötzlech wieder furtgsy und d'Hirte hei beschlosse, si wöue jetzt uf Bethlehem goh go luege, was dört passiert sig, vo was dr Ängu Gottes brichtet heb. Si hei sech ufe Wäg gmacht und hei d'Maria und dr Josef und s'Chindli i dr Fuetterchrippe gfunge. Wo si s'Chindli gseh hei, hei d'Hirte aues verzöut, was ihne dr Ängu brichtet gha hett und aui, wo das ghört hei, si ganz erschtuunt gsy. D'Maria aber hett sech jedes Wort gmerkt und hett immer wieder drüber nochedänkt. Denn sy die Hirte wider zu ihrne Härde zrugg gchehrt. Sie hei Gott globt und ihm danket für das, wo sie i dere Nacht hei dörfe erläbe. Es isch aues Ängu verzöut gha hett.

Dialekt-Übersetzung durch Annalise Hänni D’Wiehnachtsgschicht us Ober-Thurgau I säbne Tage hät de Kaiser Auguschtus befole, dass sich ali Iiwohner vom römische Riich mösed namentlech i Schtüürlischten iiträge loh. E sone Volkszelig hät’s dozmool zom erschte Mol ggeh, und zwor wo de Quirinius Schtatthalter vo Syrie gsi isch. Jede hät also müenen i d’Heimat vo sine Vorfahre reise, zom sich döt iiträge loh. Au de Josef hät sich uf de Wäg gmacht. Vo Nazareth, i de Provinz Galiläa, isch er i d’Provinz Judäa g’reist, uf Bethlehäm. Das isch nämlech d’Heimatschtadt gsi vo sim grosse Vorfahre, em König David. D’Maria, sini Verlobt, isch mit em g’reist. Sie hät eres erschte Chendli erwartet.

Wo’s z’Bethlehäm iitroffe send, isch de Geburtstermin noche gsi, und d’Maria hät e Büebli öbercho. Si hät’s i Wendle gwigglet und im e Schtall in e Fuetterchrepp ine glaat. En anderi Onderkunft hönd’s nämlech neene gfonde.

I de Nööchi uf em Fäld hönd i säber Nacht e par Hirten eri Härde ghüetet. Uf zmool isch en Ängel vo Gott vor ene gschtande, und es isch ganz häll worden om si ome. D’Hirte send schampar verschrogge, aber der Ängel hät gsaat: „Ehr mönd kon Angscht ho! Ich bring Öü e gueti Nochricht, wo sich s’ganz Volk cho dröber freue. Hüt isch nämlech i de Schtadt vom David de Retter uf d’Wält cho, wo me scho lang uf en planget hät: Chrischtus, de Härr. Gönd no go luege: Ehr fended en i Wendle gwigglet in ere Fuetterchrepp – o dem käned Ehr en!“ Uf zmool send ringom no ganz en Huufen anderi Ängel gschtande. Die hönd Gott globt und grüeft: „Ali Ehr ghört Gott im Himmel! Är hät de Friden uf d’Ärde bbroocht för ali Mänsche, wo parat send, dä Friden oozneh. Wo die Ängel noch eme Wiili wider im Himmel verschwunde send, hönd d’Hirte zonenand gsaat: „Chämed, mer gönd uf Bethlehäm go luege, wa dei passiert isch und wa der Ängel gsaat hät!“ Si send sofort ufbbrochen und hönd d’Maria und de Josef gfonden und s’Chendli i de Fuetterchrepp.

Wo si’s gsäh hönd, hönd’s alls verzellt, wan ene der Ängel gsaat hät, und ali, wo’s ghört hönd, hönd gschtuunet dröber. D’Maria aber hät sich ales guet gmerggt und hät immer wider dröber noogschtudiert. D’Hirten aber send wider omgkehrt zo erne Härde. Si hönd Gott globt und em tangget för all da, wa’s i däre Nacht hönd tören erläbe. Es isch alls präziis so gsy, wie’s der Ängel ene gsaat hät.

Text übertragen aus Lukas 2 von Peter Keller, Müllheim D'Wiehnächtsgschicht uf Wallisertitsch Gottes Sohn chunnt in d’Wält In discher Ziit her der Kaiser Augustus befohle, dass alli Bewohner vam römische Riich namentlich in Lischte erfasst wärde sellend. En settigi Volkszählig hets no nie gigä. Schi isch durchgfiehrt worde, wa der Quirinius Gouverneur in Syrie isch gsii. Jede het miesse in die Stadt ga, va da wa är stammt, fer schich da la izträge. Will der Joseph en Nachkomme vam David isch gsii, wa in Bethlehem gebore worde isch, reist är va Nazareth in Galiläa nach Bethlehem in Judäa. Der Joseph het schich da miesse la ischriibe, zäme mit schiiner jung Fröi Maria, wa es Chind erwartet het. Wa schii in Bethlehem sind gsii, het d’Maria ihres erschte Chind – en Sohn - zur Wält gibrunge. Schii het ne in Windle gwicklet und ne ina Füetterkrippa im Stall gleit, will schii im Gaschthüüs kei Platz hend vercho.

D’Hirte uf dem Fäld In discher Nacht hend üssina uf dem Fäld es paar Hirte ihri Härde bewacht. Plätzlich isch en Engel Gottes zu ihne giträtet, und Gottes Liecht het schii umstrahlt. D’Hirte sind sehr erchlipft, aber der Engel het gseit: „Heid kei Angscht! Ich bringe ew di grescht Freid fer alli Mänsche: Hiite isch fer ew iner Stadt, wa scho der David gebore worde isch, der lang ersehniti Retter uf d’Wält cho. Äs isch Chrischtus, der Herr. Und dara wärdet ier ihne erkenne: Das Chind ligt, in Windle gwicklet, inera Füetterkrippa!“ Uf zmal sind schii va unzählige Engla umgäbe gsii, wa Gott hend globt: „Gott im Himmel kehrt alli Ehr; will är het der Fride uf d’Ärda gibrune fer alli, wa bereit sind, schiine Fride aznäh.“ Nachdem d’Engla schii hend verla, hend d’Hirte beschlosse: „ Chämed, wier gä uf Bethlehem.

Wier welle gseh, was da passiert isch und fa was Gottes Engla hend gredet.“ Schii hend schich sofort uf de Wäg gmacht und hend d’Maria und der Joseph und das Chind, wa iner Füetterkrippa isch gläge gfunne. Wasch ds Chind hend gseh, hend d’Hirte verzellt, was ihne d’Engla hend gseit. Und alli, wa ihre Bricht hend kehrt, sind da druber sehr erstünt gsii. D’Maria aber het schich jedes Wort gmerkt und immer wieder dadruber nagideicht. De sind d’Hirte zu ihrne Härde zrugg kehrt. Schii hend Gott globt und gidankt fer das, wa schii in discher Nacht erläbt hend. Alles isch genau so gsii, wie der Engel äs ihne het gseit.

Nach Lukas 2, Dialektfassung Walliserdeutsch von Jasmin Imhof, Brig-Glis Wiehnachtsgschicht in Zugerdütsch I dene Täg hed Kaiser Auguschtus de Befehl geh, dass alli Lüüt vom ganze römische Riich sich selled inere Lischte erfasse loh. E settigi Volkszählig hets no nie geh. Sie isch duregfüehrt worde, wo de Quirinius Gouvernör vo Syrie gsii sich. Jede hed müessi is sini Stadt go, aus dere er gstammt isch, um sich det iträge zloh.

Well de Joseph en Nachkomme vom David gsii isch, wo dazumal in Bethlehem gebore isch, isch de Joseph vo Nazareth in Galiläa nach Bethlehem in Judäa greist. De Joseph hed sich dete müesse ischribe, zäme mit sinere junge Frau, de Maria, wo schwanger gsii isch.

Als sie in Bethlehem glandet sind, hed d Maria ihres erschti Chind, en Sohn, uf d Welt bracht. Sie hed ihn i Windle gwicklet, und inen Fuetterchrippe im Stall gleit, will sie im Gaschthof keis Zimmer meh übercho händ.

I dere Nacht händ duse uf em Feld es paar Hirte ihri Schaf ghüetet. Plötzlich erschint ihne en Engel,

und Gottes Liecht hed sie umstrahlt. Die Hirte sind schüli verschrocke, aber de Engel hed ihne gseit:

„Händ kei Angscht! Ich bring üch die gröschti Freud für alli Mensche: Hüt isch für üch i de Stadt, wo scho de David gebore isch, de lang ersehnti Retter uf d Welt cho. Es isch Chrischtus, üse Herr. Und do dra werded ihr ihn erchänne: Das Chind lid i Windle gwicklet inere Fuetterchrippe!“ Uf eimal sind die Hirte vo unzählige Engel umgebe gsii, wo Gott globt händ: „Gott im Himmel ghört alli Ehr; denn er hed de Friede uf d Erde bracht für alli, wo bereit sind, sin Friede ufzneh.“ Nachdem d Engel weder gange sind, händ d Hirte beschlosse: „Chömed, mir gönd nach Bethlehem.

Mir wänd gseh, was det gscheh isch und luege, was die Engel verzellt händ.“ Sie händ sich sofort uf de Weg gmacht und händ d Maria und de Joseph und s Chind i de Fuetterchrippe gfunde. Als sie s Chind gseh händ, händ sie verzellt was d Engel ihne gseit händ. Und alli Lüüt, wo das vo ihne ghört händ, sind darüber sehr erschtunt gsii.

D Maria hed sich aber jedes Wort gmerkt und hed sich dadrüber immer wieder Gedanke gmacht.

Denn sind d Hirte weder zu ihrne Herde zrugg kehrt. Sie händ Gott globt und dankt, für das was sie i dere Nacht händ dörfe erlebe. Alles isch gnau so gsii, wie de Engel das ihne vorusgseit het.

Am 8 Tag spöter bi de Beschnidig hed mer dem Chind de Name Jesus geh. Das isch au de Name gsii, wo de Engel gnännt hed, no ehe d Maria das Chindli empfange hed.

Übertragen in den Zugerdialekt von Eva Wolf, Steinhausen, Zug Die Weihnachtsgschichte in Züridütsch Gottes Sohn chunnt i diä Welt De Kaiser Auguschtus hät befohle, dass alli Bewohner vom römische Riich namentlich in Lischte erfasst werde müend. E sone Volkszählig häts vorhär no nie gäh. Si isch duregfüehrt worde, wo de Quirinius Gouverneur in Syrie gsi isch. Jede hät müese i sini Heimatstadt zrugg gha um sich deth izträge lah. Will de Joseph en Nachkomme vom David gsi isch, het er müese uf Bethlehem. So isch er vo Nazareth in Galiläa nach Bethlehem in Judäa greist. Deth hät er sich müese zäme mit sinere junge Frau, de Maria igschribe lah. D'Maria isch höch schwanger gsi. Wo sie in Bethlehem acho sind, isch de Maria ihres erschte Chind, nämli en Sohn uf d'Wält cho. Will sie kein Platz im Gaschthus übercho händ, händ sie imene Stall i de Nöchi vom Gaschthus übernachtet. Deth hät sie ihre Sohn i Windle gwicklet und ine Fueterchrippe inegleit.

Zur gliche Ziit sind es paar Hirte ufem Feld usse gsi und händ ihri Härdene bewacht. Da isch ihne plötzlich en Ängel Gottes begägnet und Gottes Liecht hät sie umgäh. D'Hirte sind fescht verschrocke.

De Engel aber hät zu ihne gseit: " Händ kei Angscht! Ich bring eui di gröschti Freud für alli Mänsche.

Hüt isch für eui, i de Stadt, wo de David scho gebore isch, de lang ersehnti Retter uf d'Wält cho. Es isch Chrischtus dä Herr. A dem wärded ihr ihn erchänne. S'Chind liiht inere Fueterchrippe i Windle gwicklet!" Uf eimal sind d'Hirte vo unzählige Ängel umghä gsi, wo Gott globt hend. "Gott im Himmel ghört alli Ehr, denn er hät euis de Friede uf diä Erde bracht für alli, wo bereit sind, sin Fride aznäh."

Wo d'Ängel gange sind, händ d'Hirte beschlosse, nach Bethlehem zgha. Si händ welle gseh, was dethe gscheh isch und zum genau verstah vo was Gottes Ängel eigentlich gredt händ. So händ sich d'Hirte sofort uf dä Weg gmacht und händ d'Maria, de Joseph und das Chind imene Stall entdeckt. Wo sie das Chind gseh händ, händ d'Hirte agfange verzelle was ihne de Ängel gseit hät. Alli, wo das ghört händ, sind sehr erstuunt gsi. D'Maria aber hät sich jedes Wort gmärkt und immer wieder drüber nahdänkt. Denn sind d'Hirte zu ihrne Härdene zrugg gloffe und händ Gott globt und ihm dankt für das, wo sie i dere Nacht erläbt händ. Alles isch genau so gsi, wie's ihne dä Ängel gseit hät.

Pages:     | 1 | 2 ||


Similar works:

«Issue 11.11 November 2003 Open Source Everywhere Software is just the beginning. open source is doing for mass innovation what the assembly line did for mass production. Get ready for the era when collaboration replaces the corporation. By Thomas Goetz Cholera is one of those 19th-century ills that, like consumption or gout, at first seems almost quaint, a malady from an age when people suffered from maladies. But in the developing world, the disease is still widespread and can be gruesomely...»

«TOOL #1 UNWRAP YOUR SPIRITUAL GIFTS An evaluation designed to help you identify and develop your God-given spiritual gifts.Instructions: Select the value from 0-4 that indicates how the statement is true in your life. 0-Not at all 1-Little 2-Moderately 3-Considerately 4-Strongly Answers: Total Score A 1. 25. 49. 73. B 2. 26. 50. 74. C 3. 27. 51. 75. D 4. 28. 52. 76. E 5. 29. 53. 77. F 6. 30. 54. 78. G 7. 31. 55. 79. H 8. 32. 56. 80. I 9. 33. 57. 81. J 10. 34. 58. 82. K 11. 35. 59. 83. L 12. 36....»

«Midpeninsula Regional Open Space District ADMINISTRATIVE SERVICES MANAGER DEFINITION Under administrative direction, plans, organizes, directs, manages and reviews the administrative activities and operations of the District including budget and accounting, human resources, information technology, and general office management functions; oversees the delivery of administrative support services to other District departments including management of the overall annual budget, action plan and...»

«Hand Therapy Services Operational Guidelines October 2016 This is a living document and will be updated as required Hand Therapy – Operational Guidelines Contents Getting Started with Hand Therapy Services Enquiries What Hand Therapy covers Clients may change providers Who Can Hold a Hand Therapy Services Contract Contracting an associate member Accredited employers Changing a contracted company’s name Adding and Removing Named Providers Adding a named provider Removing a named provider...»

«Welcome to today’s Coffee Break presented by the Evaluation and Program Effectiveness Team in the Division for Heart Disease and Stroke Prevention at the Centers for Disease Control and Prevention. We are fortunate to have Linda Roesch as today’s presenter. Linda is from CDC’s Division for Heart Disease and Stroke Prevention and is an ORISE Million Hearts Fellow in the Applied Research and Evaluation Branch. My name is Jan Losby and I am today’s moderator. I am a member of the...»

«Vittorio Gallese The Two Sides of Mimesis Girard’s Mimetic Theory, Embodied Simulation and Social Identification Abstract: Crucial in Girard’s Mimetic Theory is the notion of mimetic desire, viewed as appropriative mimicry, the main source of aggressiveness and violence characterizing our species. The intrinsic value of the objects of our desire is not as relevant as the fact that the very same objects are the targets of others’ desire. One could in principle object against such...»

«STATEMENT OF SHANTANU AGRAWAL, M.D. DEPUTY ADMINISTRATOR AND DIRECTOR, CENTER FOR PROGRAM INTEGRITY CENTERS FOR MEDICARE & MEDICAID SERVICES ON “MEDICARE AND MEDICAID PROGRAM INTEGRITY: COMBATTING IMPROPER PAYMENTS AND INELIGIBLE PROVIDERS” BEFORE THE UNITED STATES HOUSE COMMITTEE ON ENERGY & COMMERCE SUBCOMMITTEE ON OVERSIGHT & INVESTIGATIONS MAY 24, 2016 Statement of Shantanu Agrawal, M.D., on “Medicare and Medicaid Program Integrity: Combatting Improper Payments and Ineligible...»

«37 period acquired U.S. cancels as well as British cancels if their letters were addressed to the U.K. or overseas via the U.K. Rate Studies: Domestic, Other BNA Colonies, U.S., U.K., Worldwide Covers. Almost all covers are expensive for these stamps. In addition to domestic use, covers to the U.S., Canada, Nova Scotia, New Brunswick, and Great Britain are known. Since U.S. stamps were available at the major post offices to pay the U.S. portion of a rate, combination covers with B.C. and U.S....»

«Leaving a Legacy: Intergenerational Allocations of Bene ts and Burdens Kimberly A. Wade-Benzoni, Harris Sondak, and Adam D. Galinsky ABSTRACT: In six experiments, we investigated the role of resource valence in intergenerational attitudes and allocations. We found that, compared to bene ts, allocating burdens intergenerationally increased concern with one’s legacy, heightened ethical concerns, intensi ed moral emotions (e.g., guilt, shame), and led to feelings of greater responsibility for...»

«Detobel’s Collected Essays PART I CHAPTER II — SHAKESPEARE: THE LORD CHAMBERLAIN By Robert Detobel, copyright 2009.And he by death departed from that right. “It had been a thing, we confess, worthy to have been wished, that the Author himself had liv'd to have set forth, and overseen his own writings; but since it hath bin ordain'd otherwise, and he by death departed from that right, we pray you do not envy his Friends, the office of their care, and paine, to have collected & publish'd...»

«Sustainability 2012, 4, 3248-3259; doi:10.3390/su4123248 OPEN ACCESS sustainability ISSN 2071-1050 www.mdpi.com/journal/sustainability Communication General Resilience to Cope with Extreme Events Stephen R. Carpenter 1,*, Kenneth J. Arrow 2, Scott Barrett 3, Reinette Biggs 4, William A. Brock 5, Anne-Sophie Crépin 4,6, Gustav Engström 4,6, Carl Folke 4,6, Terry P. Hughes 7, Nils Kautsky 8, Chuan-Zhong Li 9, Geoffrey McCarney 3, Kyle Meng 3, Karl-Göran Mäler 6, Stephen Polasky 10, Marten...»

«Telephone: 08459 33 55 77 Web: www.defra.gov.uk 5 November 2012 Dear Consultee Next Steps Consultation: Regime for Specified (Special) Water and Sewerage Infrastructure Projects in England In February 2011 we consulted on proposals for new secondary legislation to be made under section 36A of the Water Industry Act 1991. This would enable the financing and delivery of large or complex high-risk water and sewerage infrastructure projects to be done by Infrastructure Providers (IPs) that are...»





 
<<  HOME   |    CONTACTS
2017 www.sa.i-pdf.info - Abstracts, books, theses

Materials of this site are available for review, all rights belong to their respective owners.
If you do not agree with the fact that your material is placed on this site, please, email us, we will within 1-2 business days delete him.