WWW.SA.I-PDF.INFO
FREE ELECTRONIC LIBRARY - Abstracts, books, theses
 
<< HOME
CONTACTS



Pages:   || 2 | 3 |

«SCHWEIZER MUNDART-ÜBERSETZUNGEN der Weihnachtsgeschichte Aargauerdütsch Gottes Sohn chonnt of d Wäut I dere Zit het de Keiser Auguschtus befohle das ...»

-- [ Page 1 ] --

SCHWEIZER MUNDART-ÜBERSETZUNGEN

der Weihnachtsgeschichte

Aargauerdütsch

Gottes Sohn chonnt of d Wäut

I dere Zit het de Keiser Auguschtus befohle das aui Bewohner im römische Riich met erem Name

ofenere Lischte söue ufgleschtet wärde. E sone Zählig hets bes dört ane no nie gäh. Si esch dore

gfüehrt worde wo de Quirinis Guvanör in Sürie gsi esch. Jede het müesse e die Stadt go woner

gebore worde esch, zom sech e die Lischte iträge loh. Weu de Josef en Nochkome vom König David gsi esch wo en Bethlehem gebore worde esch, het er müesse vo Nazareth in Galiläa bes nach Bethlehem in Judäa reise. De Josef het sech dörte müesse Ischribe loh, zäme met sinere jonge Frau de Maria, wo es Chend erwartet het. Wosi a cho send en Bethlehem het d Maria eres erschte Chend of d Wäut brocht, es esch en Sohn gsi.

Si het en en Wendle gwecklet ond het ne em Stau ene Fuetterchreppe gleit, weu sie m Hotel ekej platz meh gfonde händ.

D Herte of em Fäud E dere Nacht händ es paar Herte eri Schoof Härde ghüetet. Plötzlech esch en Ängu Gottes erschene ond s Liecht vo Gott het si omstrahlet.

D Herte send mega verschrocke.

Aber de Ängu händ gmeint: „ Händ ekej Angscht! I brenge euch di gröscht Freud för aui Mönsche: Höt esch e dere Stadt wo scho de König David gebore worde esch de lang ersehnti Retter gebohre. Es esch Jesus Chreschtus de Herr. Ond a dem wärdet er en erkenne: S Chend lit en Wendle gwecklet enere Fuetterchreppe.“ Of einisch send si vo veune Ängu omgä gsi, wo Gott glopt ond brese händ: „Gott em Hemu ghört aui Ehr; weu er het de Frede of d Ärde brocht, för aui wo bereit send sin Frede a z näh.“ Nachdem d Ängu wäg gange send händ d Herte beschlosse: „ Chömed mer gönd nach Bethlehem.

Mer wänd gseh, was dörtpassiert esch, ond vo was de Ängu Gottes gred het.“ Si händ sech sofort of de Wäg gmacht ond händ de Josef ond d Maria ond s Chend wo ede Fuetterchreppe gläge esch gfonde.

Wosi s Chend gseh händ, händ sie ne verzeut was de Ängu ene verzeut het.

Ond aui wo ere Brecht ghört händ send dröber sehr erstund gsi.

D Maria aber het sech jedes Wort gmerkt ond sech emmer weder Gedanke dröber gmacht.

Den send d Herte zo erer Schoofhärde zrög gange. Si händ Gott globt on dem danket för aues wo si e dere Nacht erläbt gha händ. Aues esch genau so gsi we de Ängu s ene gseit gha het.

Jesus wird aus Retter erchänt Be de Beschnidig acht Tag spöter het mer em Chend de Name Jesus gä, weu de Ängu de Maria no vor de Geburt gnännt het. Wo d Zit vo de Reinigong verbi gsi esch, wesi de Mose im Gsetz noch de Geburt vomene Chend vorgschrebe het, händ de Josef ond d Maria s Chend noch Jerusalem brocht om s Gott z weihe.

Im Gsetz heists usdröcklech: „Jede erschti Sohn vo de Familie ond jedes erschtgeboreni Tier söu em Herrn ghöre.“ Ond si händ au eres Opfer brocht. S Gsetz verlangte: zweu Torteltube oder zweu anderi Tube.

In Jerusalem het en Ma gläbt wo Simeon gheisse het. Er het so gläbt we Gott es het weue ha, er het sech genau a sini Gebot ghaute ond het voller Sehnsocht of de Retter vo Israel gwartet. De Simeon esch erföut gsi vom Heilige Geischt vo Gott.

Dor en het er gwösst, das er ned wird stärbe, bevor er Chreschtus de Retter ned gseh het.

Vom Heillige Geischt dezue drängt, esch er a dem Tag en Tämpu gange.

Wo d Maria ond de Josef s Chend ine brocht händ, oms Gott z weihe, hets de Simeone sini Arme gno ond het Gott globt: „ Herr, eze chan i en Frede stärbe. Weu i de Befreier gseh han, wod du de ganze Wäut gä hesch. Er eschs Liecht för aui Völker, ond er wird de Ruhm för dis Vouk Israeu si.“ D Maria ond de Josef händ sech öber sini Wort gwonderet. De Simeon hed si gsägnet ond zo de Maria gseit:“ A dem Chend wird sech s Läbe vo vellne Mönsche en Israeu entscheide; weu es wird äntwäder ere Rechter oder ere Retter si. Veu wärde sech em lideschaftlech wedersetze ond dor das zeige, dass si gäge Got send. Dä Schmärz wird der wenes Schwärt dor s härz drenge.“ A däm Tag het sech au d Profetin Hanna im Tämpu ufghaute, en Tochter vom Phanuel us em Stamm Asser. Si esch nor sebe Johr verhürotet gsi, sed langer zit Wittwe ond eze en auti Frau vo vieredachzg Johr. D Hanna het de Tämpu nor no sehr säute verloh.

Om Gott z diene, bätet ond faschtet si Tag ond Nacht.

Währendem de Simeon no met de Maria ond em Josef gredet het, esch si dezue cho ond het Gott au globt. Aui wo of d befreiig vo jerusalem gwartet händ händ si vom Chend verzeut.

Nach dem de Josef ond d Maria aui Vorschrefte vom Gsetz erföut gha händ, send si nach Nazareth in Galiläa zrög gange. S Chend esch gwachse, erföut met göttlecher Wisheit. Aui händ chönne gseh, dass Gottes Säge of em grueht het.

De zweufjährig Jesus em Tämpu Johr för Johr send de Josef ond d Maria as Passahfescht nach Jerusalem gange.Wo Jesus zweuf Johr aut gsi esch, händ si ne s erschte mou met gno. Nach de Feschttag händ sech d Eutere weder of de heiwäg gmacht.

Doch ohni as sis gmerkt händ, esch Jesus en Jerusalem blebe. Am erschte Tag vo erere Röckreis händ si en ned vermesst. Si händ dänkt: Er wer met Verwandte oder Frönde gange si. Wo si ne aber dört ned gfonde händ, send si bsorgt om kehrt ond händ en öberau en Jerusalem gsuecht.





Ändlech, nach drü Tag, händ si Jesus em Tämpu entdeckt. Er esch be de Schreftglehrte gsässe, het ene ufmerksam zue glost ond het ene Froge gsteut. Aui händ sech öber sis wösse ond sini Antworte gwonderet. D Eutere send fassigslos gsi, wosi ne dört gfonde händ. „Chend“, het en d Maria gfrogt, „wie hesch du eus nor so öbis chöne a tue? Mer händ dech öber all verzwiefleg gsuecht!“ „Werom händ er mech gsuecht?“ Het Jesus erwederet. „Er hättet doch söue wösse, dass i dört si muess, wos om Gottes Sache got.“ Aber si händ ned verstande, was er demet gmeint het.

Den sends gmeinsam nach Nazareth zrög gange, ond Jesus esch sine Autere ghorsam gsi. Sini Mueter het aber nüt vo dem vergässe, wo si erläbt gha händ.

So esch Jesus ane gwachse. Sis Wösse ond sis Verständnis händ zue gno. D Mönsche händ en gliebt ond erchendt: Gott het öbis Bsondrigs met em vor.

Übertragen ins Aargauerdeutsch von Mirjam Basler "D'Wienachtsgschicht" im Appenzeller-Dialekt Tzo däre Zit hät de Kaiser Auguschtus befole, alli Lüüt mössedsi go regischtriere lo.

Ae so e Volkszelli häts no nie gee. Duere gführt worde ischi, wo de Quirinius Schtatthalte vo Sürie gsi ischt.

Jede hät mösse i sini Heimetschtatt, dasesi däi häd chöne iiträge lo.

Ond so ischt au de Josef vo Nazareth, da ischt in Galiläa, uf Bethlehem in Judäa zoge.

De Josef hätsi däi, tzäme mit de Maria, da ischt sini Velobti gsi ond si häd e Kindli äwartet, mösse iischriibe lo.

Tz Bethlehem isch es denn e so wit gsi,dass Maria het sölle gebäre.

Ond si häd ihres erscht Chend imene Schtall uf d'Wält brocht, ischt e Böbli gsi. Si häts i Wendle iigwicklet ond ine Krüpp ini gleit, wills im Hus cha Blatz übecho hand.

I de gliche Nacht händ e paar Hierte uf em Fäld usse tzo de Schöf glueget.

Uf zmol ischt en Engel binene gschtande, ond e ganz hälls Liecht, wo vo Gott här cho ischt, häts aaglüchtet. D'Hierte sönd elend veschrocke.

De Engel häd tzonene gseid, iehr mönd cha Angscht ha, i cha eu näbis guets brichte, a dem wöerd sganz Volk e unegi Freud ha.

Hüt ischt i däre Schtatt, wo scho de David uf d'Wält cho ischt, de Retter, womme scho lang druf gwartet häd, ae hasst Jesus Chrischtus, uf d' Wält cho.

S'Zeiche, dass ere fendit: E lid immene Schtall i de Krüpp inne ond Muette häd en i Wendle iipakt.

Uf zmol häts en u Huffe Engel omms ommi cha, die hand Gott globt ond gsunge:

Ehre sei Gott im Himmel! Denn dä wo do uf d'Wält cho ischt, bringt de ganze Wält Fride ond er häd alli Lüüt gern.

Wo d'Engel zrugg in Himmel sönd, sönd d'Hierte roetig worde, si wellid gi luege, wa denn do passiert sei ond wa Gott duer d'Engel ehne säge lo häd.

Also sönds zsam Zug i d'Schtatt ond hand tatsächli d'Maria, de Josef ond s'Chindli i de Krüpp atroffe.

17) Wos da gsäh hand, hand d'Hierte alls vezellt, wo sü uf em Fäld usse erlebt hand, wa ehne de Engel erklärt häd.

AIIi wo vo däre Gschicht gchört hand, hand schuli möse schtune.

D'Maria häd ganz gnau ufpasset, jedes Wort z'Härze gno ond all wider drüber möse no denke.

D'Hierte sönd denn wider zrugg zo ierne Schöf. Si hand Gott luut danked ond gruemt fuer da wa si i däre Nacht erläbt hand. Alls ischt ganz genau e so gsi wies ehne d'Engel erklärt cha hand.

Übertragen von Karl GutD’Wiehnachtsgschicht uf Stadtbärndütsch

I dere Ziit het dr Keiser Ouguschtus befole, dass aui Näme vo de Iwohner vom römische Riich söue uf Lischte gschribe wärde. Ä sone Voukszählig hets vorhär no nie gä. Sie isch düregfüehrt worde, wo dr Quirinius isch Schtatthauter vor Provinz Sürie gsi. U so het auso jede a si Heimatort müesse reise, für sech dert la iizschribe. O dr Josef het sech ufe Wäg gmacht. Zäme mit sire schwangere Verlobte, dr Maria, isch är vom galiläische Nazareth uf Bethlehem in Judäa loszottlet. Är isch nämlech ä Nachkomme vom König David gsi u drum isch o si Heimatort Bethlehem gsi. Wo die beide ds Betlehem si acho, isch scho gli dr Maria ihres erste Ching – e Suhn – uf d’Wäut cho. Wöu si i kerä Herbärg me hei Platz gfunge hei si sech im 'ne Stau müesse niderla, u so het d'Maria ihre Suhn haut ine Fueterchrippe inegleit. Zersch het sinem natürlech aber no Windle agleit.

Ir Umgäbig vo Bethlehem si Hirte ufem Fäud usse gsi u hei ihri Härde ghüetet. Plötzlech isch ä Ängu vor ine gstange. D`Herrlechkeit vo Gott isch um'ne ume gsi, wie 'nes hennä häus Liecht. Logisch, dass d'Hirte erschrocke si u o chli Schiss hei gha. Aber dr Ängu het zue`ne gseit: „Giele, häbet ke Angscht!

I ha ne mega Fröidebotschaft für euch u für ds ganze Vouk. Hüt isch euch nämlech i dr Stadt, wo scho dr König David gebore isch, dr lang ersehnt Retter ufd'Wäut cho: es isch Chrischtus, dr Herr! Göt ga luege. Dir wärdet es neugebornigs Ching finge, wo i Windle gwicklet ire Fueterchrippe inne liit. We dr das Ching gseht, de wärdet dr grad tscheggä, vo wasi redä.“ U plötzlech si sie aui vo unzählige Ängle umgäh gsi. Die Ängle hei zäme Gott globet u sie hei grüeft: „Gott im Himu ghört aui Ehr; är het dr Friide uf die Ärde brunge für aui, wo bereit si, dä Friede aznäh.“ Wo d’Ängle wieder i Himu zrügg gange si, hei d’Hirte zunenang gseit: „Chömet, mir gö uf Bethlehem ga luege, was da gnau passiert isch, u vo was dä Ängle da gredt heti!“. Sie si sofort losgsprunge u hei scho gli dr Stau gfunge wo d’Maria u dr Josef drin si gsi. Ihres Nöigebornige isch ir Fueterchrippe gläge, genau so, wies dr Ängu gseit het. Wo sie das aues hei gseh, hei sie de angere verzeut, was passiert isch u was ne dr Ängu het gseit. U aui wo das hei ghört, hei hennä gstuunet. D’Maria het sech aber jedes Wort gmerkt u het immer wiedr drüber nachedänkt. Nachemne Zitli si de d’Hirte wieder zu ihrne Härde zrügg gange. Sie hei Gott globet u ihm für aues danket, wo sie i dere Nacht erläbt hei. Es isch aues genau so gsi, wie’s dr Ängu ihne het verzeut gha.

Textübertragung aus Lukas 2 (nach "Hoffnung für alle" und "Die gute Nachricht") von Bruno Guntelach Weihnachtsgeschichte auf Diemtigtalisch U du isch es eines Tages sowit cho, dass der Cheiser Ouguschtus es Gebot het usageh, är welli jitz grad e Volkszählig mache. U das isch die allererschti Volkszählig gsi wos uf dere Wält het geh u isch dennzumal gmacht worde, wo no der Quirinius isch Schtatthalter vo Syrie gsi. U für die Zellig z bewärkstellige hii all Lüt i ihre Heimatort müesse gah.

U da het sich o der Joseph vo Nazareth us Galiläa uf d Riiss gmacht u isch gäge Bethlehem zue will är ina ischt gsi usem Huus u Gschlächt vom David. Sälbschtverstendlich het er o sini Brut, d Maria mitgnoh, die isch schwanger gsi.

Chuum dass sie ds Bethlehem si acho, hii bir Maria die erschte Wehe igsetzt.

D Maria het gli emal e gsunda Bueb gebore. Sie het ne i Windli igliiret u het ne ine Fuetterchripfa gliit, will si süsch ir ganze Gägend niena hii ds Schärme chenne une niemer es fürigs Bett het ghäbe.

I dere Gägend si d Hirte uf de Fäldere usse gsi u hii o die ganzi Nacht dürhi die ganzi Herde Schaf ghüetet.. Un uf ds Mal i dere Nacht isch dene Hirte Gottes Engel erschiene, es het si schuderhaft

blendet u die Manne u Bursche hii sich unerchannt gfürchtet. Aber der Engel het fründlich zuene gsiit:

Fürchtet öch nit liebi Manna, will i bringe öch e grossi Früdebotschaft, der bescht Bricht, wo die ganzi Menschhiit uberhupts emal het ghört. Will schtellet öch vor, hüt i dere Nacht isch der Heiland u Retter für öch gebore, der Suhn vo Gott. Grad hie ider Schadt i der Nechi. U wüsster a was dass ders merket: Iehr findet das bsunderiga Chind igwicklet i gwöhnlich Windli innere Fuetterchripfe.

Chum het der Engel fertig gredt ghäbe, isch die ganzi Luft gfüllti gsii vo Hüffe Engle, die hii all zeme unerchannt gsunge und Gott globet u bättet u grüeft: Mier wii Gott lobe u prisse u abätte, will jitz chunnt der Friede vom Himmel uf d Aerde zu de Mensche wo Gott gärn het.

U wo du d Engle hii fertig gsunge gaha u i Himmel zrugg gfloge si, hi d Hirte zeme gsiit: Jetz wimer aber hurtig gäge Bethlehem zue u ga gugge, ob die Gschicht würklich eso isch wie nus sa d Engla vo Gott brichtet hii. Sie si zünftig gschuenet u hi du würlich alls zeme eso gfunde, wiesis gehört hi, d Maria u der Joseph u das Chind i der Fuetterchripfe. Wo d Hirte das alz gseh hi sisi zrugg gange u hi die früdigi Gottesbotschaft uberall bkanntgmacht u allne Lüte erzellt. U alli wo die Gschicht hii ghört vo de Hirte, sie grüseli erschtuneti gsi.

D Maria aber het alli die Wort wo da si gredt worde ganz fescht i ihres Härz ufgnoh u ging umhi innerlich bewegt u ghüschtet.

D Hirte si umhi zu ihrne Tierlene zuruggange u si himit Liib u Seel Gott abbättet u globet u danket für alls zeme wo si hii dörfe gseh u erläbe.

Text übertragen aus Lukas 2 von Jakob Wampfler D’Wiehnachtsgschicht in Baselbieterdütsch In derä Ziit het dr Kaiser Augustus befohle, dass alli Bewohner vom römische Riich namentlich in Lischte erfasst wärde sölle.

Sonä Volkszellig hets no nie geh. Sie isch durägfüehrt worde, wo de Quirinius Gouverneur in Syrie gsi isch.

Jedä het müesse in die Stadt go, wonär härcho isch, zum sich dört loh iitrage.

Will dr Joseph ä Nochkomme vom David gsi isch, wo in Bethlehem gebore isch, isch är vo Nazareth in Galiläa nach Bethlehem in Judäa greist.

Dr Joseph het sich dört müesse iischriibe loh, zämme mit sinere Frau Maria wonä Chind erwartet het.

Wo sie in Bethlehem gsi sin het d Maria ihres erschte Chind – ä Sohn – uf d’Wält brocht.

Sie heten in Windle gwicklet und en inä Fuetterchrippe im Stall glegt, will sie in dä Gaschthüüser kei Platz becho hän.

In derä Nacht hän d’Hirte dusse ufäm Fäld ihri Härde bewacht. Plötzlich isch ä Ängel vo Gott zu ihne ahne gstande und Gottes Liecht het sie umstrahlt. D’Hirte sin sehr verschrocke aber dr Ängel het gseit: „Fürchtet eu nit! Ich bring eu di gröschti Freud für alli Mensche: Hüt isch für eu in dr Stadt, wo scho dr David gebore isch, dr lang ersehnti Retter uf d’ Wält cho. S isch Chrischtus, dr Herr.

Und do dra wärdet ihr ihn erkenne: S Chind liggt in Windle gwicklet inre Fuetterchrippe!“ Uf eimol sin sie vo unzählige Ängel umgeh gsi, wo Gott globt hän. „Gott im Himmel ghört alli Ehr; denn är het dr Friide uf d’ Ärde brocht für alli, wo parat sin, si Friide azneh.“ Nochdäm d Ängel sie verloh hän, hän d’ Hirte beschlosse „Chum mir göhn nach Bethlehem. Mir wän seh, was dört gscheh isch und vo was Gottes Ängel gschwätzt het.

Sie hän sich sofort ufä Wäg gmacht und hän d’ Maria, dr Joseph und s Chind, wo in dr Fuetterchrippe gläge isch, gfunde.

Wo sie s Chind gseh hän, hän d’ Hirte verzellt, was ihne dr Ängel gseit het. Und alli, wo ihre Bricht ghört hän, sin drüber sehr erstuunt gsi.

D’ Maria aber het sich jedes Wort gmerkt und het immer wiider drüber nochedänkt.



Pages:   || 2 | 3 |


Similar works:

«This article was published in an Elsevier journal. The attached copy is furnished to the author for non-commercial research and education use, including for instruction at the author’s institution, sharing with colleagues and providing to institution administration. Other uses, including reproduction and distribution, or selling or licensing copies, or posting to personal, institutional or third party websites are prohibited. In most cases authors are permitted to post their version of the...»

«2 The authors describe and compare the four theoretical perspectives represented by the theorists writing Chapters Three through Six, providing additional comparative analysis based on their published works. What Theorists Say They Do: A Brief Description of Theorists’ Approaches Christina A. Christie, Tarek Azzam Perhaps now more than ever before, funders are requesting that social and educational programs be evaluated for accountability and to demonstrate effectiveness. This is great news...»

«NORA ROBERTS Key Of Valor Chapter One Zoe McCourt was sixteen when she met the boy who would change her life. She'd grown up in the mountains of West Virginia, the oldest of four. By the time she was twelve, her father had already run off with the wife of another man. Even then, Zoe hadn't considered it any great loss. Her daddy was a short-tempered, moody man who preferred drinking beer with the boys or banging his neighbour's wife rather than seeing to his own. Still, it was hard, since most...»

«Pure Appl. Chem., Vol. 75, Nos. 2–3, pp. 157–166, 2003. © 2003 IUPAC Antiangiogenic heparin-derived heparan sulfate mimics* Benito Casu‡ and Annamaria Naggi G. Ronzoni Institute for Chemical and Biochemical Research, Milan, Italy Abstract: Heparan sulfate (HS) is a glycosaminoglycan (GAG) widely distributed as a proteoglycan on the cell surface and in the extracellular matrix of animal tissues. Among other important physiological functions, its polysaccharide chains mediate cell...»

«EMISSION FACTOR DOCUMENTATION FOR AP-42 SECTION 1.8 BAGASSE COMBUSTION IN SUGAR MILLS Prepared by: Edward Aul & Associates, Inc. Chapel Hill, NC 27514 E. H. Pechan & Associates, Inc. Rancho Cordova, CA 95742 Contract No. 68-DO-0120 EPA Work Assignment Officer: Michael Hamlin Office of Air Quality Planning and Standards Office Of Air And Radiation U.S. Environmental Protection Agency Research Triangle Park, NC 27711 April 1993 iii DISCLAIMER This report has been reviewed by the Office of Air...»

«University of Richmond UR Scholarship Repository Marketing Faculty Publications Marketing Brand Creation vs. Acquisition in Portfolio Expansion Strategy Randle D. Raggio University of Richmond, rraggio@richmond.edu Yana Damoiseau William C. Black Follow this and additional works at: http://scholarship.richmond.edu/marketing-facultypublications Part of the Advertising and Promotion Management Commons, Marketing Commons, and the Sales and Merchandising Commons Recommended Citation Raggio, Randle...»

«May 8, 2016 seventh Sunday of easter Holy Year of Mercy 12/8/2015 -11/12/2016 St. Leo’S/HoLy RoSaRy PaRISH 33 Manhattan St. Ashley, PA 18706 Phone: 570-825-6669 Web Site: www.stleos-holyrosary.org Pastor: Reverend Vincent Dang Pastor Emeritus: Reverend Thomas J. O’Malley Administrative Asst: Marianne Baseski Director of Music: Robert Passetti Director of Religious Education: Michele Casey E-Mail saintlhrc@gmail.com Baptism Call the Rectory Weddings Call the Rectory READINGS: (May 15) Acts...»

«NO EXIT AND THREE OTHER PLAYS BY JEAN PAUL SARTRE NO EXIT (Huis Clos) THE FLIES (Les Mouches) translated from the French by Stuart Gilbert DIRTY HANDS (Les Mains sales) THE RESPECTFUL PROSTITUTE (La Putain respectueuse) translated from the French by Lionel Abel NO EXIT (Huis Clos) – A PLAY IN ONE ACT CHARACTERS IN THE PLAY VALET GARCIN ESTELLE INEZ Huis Clos (No Exit) was presented for the first time at the Theatre du Vieux-Colombier, Paris, in May 1944. SCENE A drawing-room in Second Empire...»

«Technical Guide: Upgrading Flex 3 applications to Flex 4 SDK Technical Guide: Upgrading Flex 3 applications to Flex 4 SDK About This Document Introduction MXML 2009 Namespaces States New MXML Tags Declarations Library Definition Private Reparent DesignLayer Two-way Data Binding MXML Graphics and FXG MXML Graphics FXG CSS Flex Themes Creating a Flex Theme Applying a Theme Spark Components The Skinning Contract – Skinning Spark Components Data Parts States Creating Spark Components and Skins...»

«A Comparison of Fiscal Regimes Prepared by Cambridge Energy Research Associates October 18, 2007 CERA ® An IHS Company TERMS OF USE. The accompanying materials were prepared by Cambridge Energy Research Associates, Inc. (CERA), and are not to be redistributed or reused in any manner without prior written consent, with the exception of client internal distribution as described below. CERA strives to be supportive of client internal distribution of CERA content but requires that (a) CERA content...»

«United States General Accounting Office GAO Report to the Honorable Bob Barr House of Representatives THE WHITE HOUSE June 2002 Allegations of Damage During the 2001 Presidential Transition a GAO-02-360 Contents Letter 1 Background 1 Scope and Methodology 3 Results 6 Conclusions 19 Recommendations for Executive Action 20 Agency Comments and Our Evaluation 20 White House Comments 21 GSA Comments 34 Appendixes Appendix I: EOP and GSA Staff Observations of Damage, Vandalism, and Pranks and...»

«2009/JUL/20 at 9:18 a.m. Doc number: M710950B001 [Uni+] VALIANT® THORACIC STENT GRAFT WITH THE CAPTIVIA DELIVERY SYSTEM Instructions for Use 2009/JUL/20 at 9:18 a.m. Doc number: M710950B001 [Uni+] 2009/JUL/20 at 9:18 a.m. Doc number: M710950B001 [Uni+] EXPLANATION OF SYMBOLS Explanation of symbols that may appear on product labeling. Consult instructions for use Date of manufacture Do not use if package is damaged Do not reuse EC authorized representative EC REP Manufacturer Catalogue number /...»





 
<<  HOME   |    CONTACTS
2017 www.sa.i-pdf.info - Abstracts, books, theses

Materials of this site are available for review, all rights belong to their respective owners.
If you do not agree with the fact that your material is placed on this site, please, email us, we will within 1-2 business days delete him.